Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 84:1-12

MALU ADI MU MUKANDA EU

  • Dijinga ntenta munene wa tshitendelelu wa Nzambi bikole

    • Muena Lewi udi ujinga ne muoyo mujima bua kuikala bu nyunyi (3)

    • “Dituku dimue mu mbanza yebe” (10)

    • “Nzambi udi dîba ne ngabu” (11)

Bua muludiki; wa Gitita.* Wa bana ba Kola.+ Mujiki. 84  Ke mudi ntenta webe munene wa tshitendelelu mulengele* nunku,+Yehowa wa biluilu!   Meme yonso mujima* ndi nzuka,Eyowa, ndi ngamba kufua ne dijinga dikole,Bua mbanza ya Yehowa.+ Muoyo wanyi ne mubidi wanyi bidi biela mbila ne disanka kudi Nzambi wa muoyo.   Nansha nyunyi udi upetaku muaba wa kusombelaNe kandindi disua diaku,Muaba udiku kalamina tuana tuakuPabuipi ne tshioshelu tshiebe tshinene, wewe Yehowa wa biluilu,Mukalenge wanyi ne Nzambi wanyi!   Ba diakalenga mbadi basombele mu nzubu webe!+ Badi batungunuka ne kukutumbisha.+ (Sela)   Ba diakalenga mbantu badi bapetela bukole kuudi,+Badi mioyo miteka ku bibeba.   Padibu bapitshila mu Tshibandabanda tshia Baka,*Badi batshivuija muaba wa mishimi ya mâyi;Ne mvula ya mbedi idi itshivuadika* mabenesha.   Nebaye benda, bukole buabu buenda anu buvula;+Yonso wa kudibu udi umueneka kumpala kua Nzambi mu Siona.   Wewe Yehowa Nzambi wa biluilu, umvua disambila dianyi;Teleja, wewe Nzambi wa Yakoba. (Sela)   Tangila, wewe ngabu wetu+ ne Nzambi wetu,*Tangila mpala wa muela manyi webe.+ 10  Bualu dituku dimue mu mbanza yebe ndimpe kupita matuku tshinunu muaba mukuabu!+ Ndi musungule bua kuimana ku tshibuelelu tshia nzubu wa Nzambi wanyiPamutu pa kusombela mu ntenta ya malu mabi. 11  Bualu Yehowa Nzambi udi dîba+ ne ngabu;+Yeye udi upeshangana luse ne butumbi. Kakuena tshintu tshimpe nansha tshimue tshikala Yehowa mua kupalaBadi benda ne muoyo mutoke.+ 12  Yehowa wa biluilu,Wa diakalenga mmuntu udi ukueyemena.+

Note

Tang. Diumv.
Anyi “munangibue bikole.”
Anyi “Anyima wanyi.”
Anyi “tshibandabanda tshia mitshi ya baka.”
Anyi pamuapa: “Ne mulongeshi udi udijingila.”
Anyi pamuapa: “Tangila kudi ngabu wetu, wewe Nzambi.”