Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 83:1-18

MALU ADI MU MUKANDA EU

  • Disambila pavuaye kumpala kua bena lukuna

    • “Nzambi wetu, kushadi mupuwe to” (1)

    • Bena lukuna bu tshisonsa tshia mêba tshidi tshinyunguluka (13)

    • Dîna dia Nzambi n’Yehowa (18)

Musambu. Mujiki wa Asafa.+ 83  Nzambi wetu, kushadi mupuwe to;+Kushadi mupudikile* anyi kuyi unyunga, wewe Nzambi.   Bualu tangila! bena lukuna bebe badi mu kayumbayumba;+Badi bakukine badi benza malu ne diambu.*   Badi belela bantu bebe tshifufu mu musokoko ne budimu;Badi batungila banangibue bebe.*   Badi bamba ne: “Luayi, tubabutule bua kabikadi kabidi tshisamba,+Bua bantu kabavuluki kabidi dîna dia Isalele nansha.”   Badi balukakaja lungenyi tshiapamue;*Mbadie tshipungidi* bua kukuenzela bibi,+   Ntenta ya Edome ne ya bena Yishimaele, ya Moaba+ ne ya bena Hagâ,+   Ya Gebala ne ya Amona+ ne ya Amaleka,Ya Peleshete+ pamue ne bena mu Tulo.+   Ashû+ pende mmudisange nabu;Badi bambuluisha* bana ba Lota.+ (Sela)   Ubenzele muuvua muenzele Midiyana,+Muuvua muenzele Sisela ne Yabina ku kasulu* ka Kishona.+ 10  Bakababutula ku Ene-dô;+Bakalua bu tumvi tua nyama bua buloba. 11  Vuija banene babu bu Oleba ne Zêbe,+Ne bakokeshi* babu bu Zeba ne Salemuna,+ 12  Bualu bakamba ne: “Tuangatayi buloba budi Nzambi musombele.” 13  Nzambi wanyi, ubavuije bu tshisonsa tshia mêba tshidi tshinyunguluka,+Bu tukolakola tudibu bapepula kudi lupepele. 14  Bu kapia kadi kosha ditu dionso,Bu ludimi lua kapia ludi luosha mikuna,+ 15  Nunku, ubalondakaje ne mvula mukole wa tshipepele tshikole+Ne ubakuatshishe buôwa bukole ne tshipepele tshiebe tshikole tshia mvula.+ 16  Uwuja* mpala yabu ne bundu,Bua bakebe dîna diebe, wewe Yehowa. 17  Bafuishibue bundu ne bumvue buôwa bukole bua kashidi;Bapuekeshibue milongo ne bajimijibue; 18  Bamanye ne: wewe, udi ne dîna dia Yehowa,+Wewe nkayebe ke Mutambe Bunene pa mutu pa buloba bujima.+

Note

Anyi “Kushadi kamama.”
Anyi “badi bajula mitu yabu.”
Ku mua.: “baudi musokoke.”
Ku mua.: “Badi bebejangana ngenyi ne muoyo popamue.”
Anyi “tshiovo.”
Ku mua.: “Mbalue diboko kudi.”
Anyi “kasulu ka tshilonda nkoka.”
Anyi “balombodi.”
Anyi “Buikila.”