Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 80:1-19

MALU ADI MU MUKANDA EU

  • Balami ba mikoko ba Isalele badi bakeba bua kupingajibua muvuabu

    • “Nzambi wetu, utupingaje kabidi mutuvua” (3)

    • Isalele bu muonji wa mvinyo wa Nzambi (8-15)

Kudi muludiki; bilondeshile “Bilongo bia kapapankole.” Divuluija. Wa Asafa.+ Mujiki. 80  Wewe Mulami wa Isalele, teleja,Wewe udi ulombola Jozefe anu bu tshisumbu tshia mikoko.+ Wewe udi musombe mu nkuasa wa bukalenge pa mutu pa* bakeluba,+Kenka.*   Kumpala kua Efelayima ne Benyamina ne Manashe,Ujule bukole buebe;+Luaku utupandishe.+   Nzambi wetu, utupingaje kabidi mutuvua;+Mpala webe atukenkele bua tupandishibue.+   Yehowa Nzambi wa biluilu, neubenge kumvua* disambila dia bantu bebe too ne dîba kayi?+   Wewe udi ubadiisha binsonji bu diabu diampa,Ne udi ubanuisha binsonji bungi bupitshidile.   Wewe udi mulekele bena mutumba betu batandangana bua bualu buetu;Bena lukuna betu badi batungunuka ne kutuseka mudibu basue.+   Wewe Nzambi wa biluilu, utupingaje kabidi mutuvua;Mpala webe atukenkele bua tupandishibue.+   Uvua mumbushe muonji wa tumuma tua mvinyo+ mu Ejipitu. Wewe kuipata bisamba, wewe kuwukuna.+   Uvua muwusoluele muaba,Wowu kuela miji, kuwujawu ditunga.+ 10  Mikuna ivua mibuikila kudi dileji diawu,Ne mitshi ya sedre ya Nzambi kudi matamba awu. 11  Matamba awu akafika too ne ku mbuu,Ne ntonga yawu too ne ku Musulu.*+ 12  Bua tshinyi udi mubumbule bimanu bia mabue bia budimi bua tumuma tua mvinyo,+Bienza bua ne: bonso badi bapitshilaku bapuole tumuma tuawu?+ 13  Ngulube ya tshisuku idi iwunyanga,Ne nyama ya tshisuku ya mu mpata idi iwudia.+ 14  Wewe Nzambi wa biluilu, pingana koku. Mu diulu amu utangile panshi, umone! Tabalela koku muonji wa tumuma tua mvinyo eu,+ 15  Tshitaku tshia muonji* tshidi tshianza tshiebe tshia balume tshikune,+Ne tangila muana uuvua* muvuije mukole bua bualu buebe.+ 16  Mbawoshe ne kapia,+ bawukose. Badi bafua bua kutanda kuebe.* 17  Tshianza tshiebe tshikuatshishe muntu udi ku dia balume diebe,Muana wa muntu uudi muvuije mukole bua bualu buebe.+ 18  Nunku katuakukuela nyima to. Utulame ne muoyo, bua tumone mua kubila dîna diebe. 19  Wewe Yehowa Nzambi wa biluilu, utupingaje kabidi mutuvua;Mpala webe atukenkele bua tupandishibue.+

Note

Anyi pamuapa: “munkatshi mua.”
Anyi “Leja dibalakana diebe patoke.”
Ku mua.: “neukuatshile tshiji.”
Mmumue ne: musulu wa Pelata.
Anyi “Mulamba wa muonji wa tumuma tua mvinyo.”
Anyi “ditamba diuvua.”
Ku mua.: “kutanda kua mpala webe.”