Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 8:1-9

MALU ADI MU MUKANDA EU

  • Butumbi bua Nzambi ne bunême bua muntu

    • “Ke mudi dîna diebe dinene nunku” (1, 9)

    • ‘Muntu ufuafua udi ne mushinga kayi?’ (4)

    • Muntu mmuasa tshifulu tshia bunême (5)

Kudi muludiki; wa Gitita.* Mujiki wa Davidi. 8  Wewe Yehowa Mukalenge wetu, ke mudi dîna diebe dinene pa buloba bujima nunku! Udi muteke butumbi buebe muulu kupita too ne diulu!*+   Wewe udi muteke bukole mukana mua bana ne mua bana batshidi bamua mabele+Bua bualu bua baluishi bebe,Bua kupuwisha muena lukuna ne musombuedi.   Pandi mmona diulu diebe, midimu ya bianza biebe,*Ngondo ne mitoto biudi mulongolole,+   Muntu ufuafua nnganyi bua wewe kuikala nende mu meji?Muana wa muntu nnganyi bua wewe kumutabalela?+   Wewe uvua mumupuekeshe kakese kuinshi kua badi bu Nzambi,*Ne uvua mumuase tshifulu tshia butumbi ne bunême.   Uvua mumupeshe bukokeshi pa midimu ya bianza biebe;+Udi muteke bintu bionso muinshi mua makasa ende:   Nyama yonso mikese ne ngombe yonso,Kabidi ne nyama ya tshisuku,*+   Nyunyi ya muulu ne mishipa ya mu mbuu,Ne tshionso tshidi tshipitshila mu tujila tua mbuu.   Wewe Yehowa Mukalenge wetu, ke mudi dîna diebe dinene pa buloba bujima nunku!

Note

Tang. Diumv.
Anyi pamuapa: “Wewe muena butumbi budibu bamba pa mutu pa diulu!”
Anyi “minu yebe.”
Anyi “kudi banjelu.”
Ku mua.: “nyama ya mu mpata.”