Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Misambu 79:1-13

MALU ADI MU MUKANDA EU

  • Disambila pavua bisamba biele bantu ba Nzambi mvita

    • ‘Tudi tshintu tshia kupendabu’ (4)

    • ‘Utuambuluishe bua bualu bua dîna diebe’ (9)

    • “Upingajile bena mutumba betu misangu muanda mutekete” (12)

Mujiki wa Asafa.+ 79  Nzambi wetu, bisamba mbibuele mu bumpianyi buebe;+Mbinyange ntempelo webe wa tshijila;+Mbishiye Yelushalema mushiki wa mabuwa.+   Mbifile bitalu bia bena mudimu bebe bu biakudia kudi nyunyi ya muuluNe mibidi ya bena lulamatu bebe kudi nyama ya tshisuku ya pa buloba.+   Mbipumune mashi abu panshi bu mâyi kumpenga kuonso kua Yelushalema,Ne kakuena muntu udi mushale bua kubajiika.+   Tudi balue tshintu tshia kupendabu kudi bena mutumba betu;+Badi batunyunguluke badi batuseka ne batupetula.   Yehowa wanyi, newikale ne tshiji tshikole too ne dîba kayi? Nkashidi anyi?+ Tshiji tshiebe netshiteme bu kapia too ne dîba kayi?+   Pongolola tshiji tshiebe tshikole pa bisamba bidi kabiyi bikumanyeNe pa makalenge adi kaayi abila dîna diebe.+   Bualu mbadie YakobaNe mbashiye buloba buende munda mutupu.+   Kutubadidi bilema bia bankambua betu.+ Tulejaku luse luebe lukasa,+Bualu mbatupuekeshe panshi bikole.   Utuambuluishe, wewe Nzambi wa lupandu luetu,+Bua bualu bua dîna diebe dia butumbi;Utusungile ne utubuikidile* mpekatu yetu bua bualu bua dîna diebe.+ 10  Bua tshinyi bisamba bidi ne bua kuamba ne: “Nzambi wabu udi penyi?”+ Bamanye ku mêsu kuetu munkatshi mua bisambaNe: mashi a bena mudimu bebe avuabu bele panshi mmasombuela.+ 11  Umvuaku mikemu ya muena buloko.+ Lama* badibu bakosele tshibawu tshia lufu* ne bukole buebe bunene.*+ 12  Upingajile bena mutumba betu misangu muanda mutekete+Bua bipendu bidibu bakupende nabi, Yehowa wetu.+ 13  Nunku, tuetu bantu bebe, mikoko ya mu mpata webe wa kudishila nyama,+Netukusakidile kashidi;Netumanyishe butumbi buebe mu bipungu ne bipungu bia bantu.+

Note

Ku mua.: “ubuikile.”
Anyi pamuapa: “Lekesha.”
Ku mua.: “bana ba lufu.”
Ku mua.: “diboko diebe.”