Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 76:1-12

MALU ADI MU MUKANDA EU

  • Ditshimuna dia Nzambi pa bena lukuna ba Siona

    • Nzambi udi upandisha bena bupuekele (9)

    • Bena lukuna badi baditambisha badi ne bua kupuekeshibua (12)

Kudi muludiki; wa kuimba tshiapamue ne biombelu bia nshinga. Mujiki wa Asafa.+ Musambu. 76  Nzambi mmumanyike mu Yuda;+Dîna diende ndinene mu Isalele.+   Muaba wende wa kueyema udi mu Salema,+Ne tshisombelu tshiende tshidi mu Siona.+   Kuoku aku ke kuvuaye mutshibule mikete ya buta ivua itema kapia,Ne ngabu ne muele wa mvita ne bia mvita.+ (Sela)   Wewe udi ukenka bikole;*Udi ne butumbi bupite bua mikuna idi ne nyama ya kukuata.   Mbanyenge bena muoyo mukole bintu.+ Mbalale tulu;Bena mvita bonso kabavua ne bukole bua kudisungila.+   Bua kutanda kuebe, wewe Nzambi wa Yakoba,Muendeshi wa ditempu dia mvita ne kabalu mbilale tulu tukole.+   Wewe nkayebe udi ukuatshisha buôwa.+ Nnganyi udi mua kukandamena tshiji tshiebe tshikole?+   Wewe wakakosela tshilumbu mu diulu;+Buloba buakatshina ne buakapuwa+   Pavua Nzambi mujuke bua kukumbaja dilumbuluisha,Bua kupandisha bena bupuekele bonso ba pa buloba.+ (Sela) 10  Bualu luonji lua muntu nelukutumbishishe;+Neudilengeje ne bishadile bia ku luonji luabu. 11  Enzelayi Yehowa Nzambi wenu mitshipu ne ikumbajayi,+Bantu bonso badi bamunyunguluke balue ne dipa diabu benda batshina.+ 12  Yeye neapuekeshe kudisua kua* balombodi;Udi ukuatshisha bakalenge ba pa buloba buôwa.

Note

Anyi “Wewe udi mujingila kudi butoke.”
Ku mua.: “nyuma wa.”