Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 75:1-10

MALU ADI MU MUKANDA EU

  • Nzambi udi ulumbuluisha biakane

    • Bantu babi badi ne bua kunua dikopo dia Yehowa (8)

Kudi muludiki. Muimba bilondeshile mujiki wa “Kufikishi ku kabutu.” Wa Asafa.+ Musambu. 75  Tudi tukusakidila, wewe Nzambi, tudi tukusakidila;Dîna diebe didi pabuipi,+Ne bantu badi bamanyisha midimu yebe ya kukema.   Wewe udi wamba ne: “Pandi nkosa tshikondo,Ndi ndumbuluisha ne buakane.   Pavua buloba ne bonso bavua basombelapu bivingutuke,Meme ke uvua mulame makunji abu mashindame.” (Sela)   Ndi ngambila bantu badi baditambisha ne: “Kanuditambishi to,” Ne bantu babi ne: “Kanutumbishi bukole buenu* to.   Kanutumbishi bukole buenu* bikole menemeneAnyi kanuakudi ne diambu to.   Bualu dibandishibua kadiena difuminaKu est anyi ku ouest anyi ku sud to.   Bualu Nzambi m’Mulumbuluishi.+ Yeye udi upuekesha muntu umue, ubandisha mukuabu.+   Bualu dikopo didi mu tshianza tshia Yehowa;+Mvinyo udi upatula ntutu ne mmusambakaja bimpe. Bushuwa, yeye neamupongolole,Ne bantu babi bonso ba pa buloba nebamunue, too ne bishikishiki.”+   Kadi meme, nemmanyishe bualu ebu kashidi;Nengimbe misambu ya kutumbisha nayi* Nzambi wa Yakoba. 10  Bualu yeye udi wamba ne:“Nengumbushe bukole* buonso bua bantu babi,Kadi bukole* bua muntu muakane nebutumbishibue.”

Note

Ku mua.: “lusengu luenu.”
Ku mua.: “lusengu luenu.”
Anyi “mijiki bua.”
Ku mua.: “nsengu.”
Ku mua.: “nsengu.”