Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 7:1-17

MALU ADI MU MUKANDA EU

  • Yehowa udi Mulumbuluishi muakane

    • “Undumbuluishe, Yehowa wanyi” (8)

Kasala ka muadi* ka Davidi kavuaye muelele Yehowa bua mêyi a Kushi muena Benyamina. 7  Wewe Yehowa Nzambi wanyi, ndi munyemene kuudi.+ Mpandisha kudi bonso badi bankengesha ne unsungile.+   Tshianana, nebansunsule* tupese tupese anu bu mutu ntambue wenza,+Baya nanyi kakuyi wa kunsungila.   Yehowa Nzambi wanyi, bingikala ne tshilema mu bualu ebu,Bingikala muenze bibi,   Bingikala muenzele muntu udi ungenzela bimpe bualu bubi,+Anyi bingikala mupawule muena lukuna wanyi kakuyi bualu,*   Nunku, muena lukuna andondakaje, ankuate;*Adiatakaje muoyo wanyi panshi mu bulobaNe enze bua butumbi buanyi bujimine mu lupuishi. (Sela)   Juka mu tshiji tshiebe, Yehowa wanyi;Imana bua kupangisha luonji lua bena lukuna banyi;+Tabala bua bualu buanyi, tuma dîyi bua balumbuluishe biakane.+   Bisamba bikunyunguluke;Ne wewe neubakudimukile kumbukila muulu.   Yehowa neakosele bukua bantu tshibawu.+ Undumbuluishe, Yehowa wanyi, bilondeshile buakane buanyiNe bilondeshile muoyo wanyi mutoke.+   Tuisha koku bienzedi bibi bia bantu babi ku ndekelu. Kadi jadika bantu bakane,+Bualu wewe udi Nzambi muakane+ udi ukonkonona mioyo+ ne mutu bantu bumvua munda menemene.*+ 10  Nzambi nngabu wanyi,+ Mupandishi wa badi balulame mu muoyo wabu.+ 11  Nzambi m’Mulumbuluishi muakane,+Nzambi udi umanyisha mêyi ende a dilumbuluisha* dituku dionso. 12  Bikala muntu kayi munyingalale bua mpekatu yende,+ Yeye udi usakisha muele wende wa mvita;+Udi unana buta buende bua mikete, ubusoma.+ 13  Udi ulongolola bia mvita biende bia lufu;Udi usoma mikete yende idi ne ndimi ya kapia.+ 14  Tangila muntu udi muimite malu mabi;Udi wimita tshimvundu, ulela mashimi.+ 15  Udi wimba dijimba ne udiondola,Kadi udi ukuluka mu tshina mene tshivuaye mumbule.+ 16  Tshimvundu tshidiye ujula netshimupinganyine yeye muine pa mutu wende;+Tshikisu tshiende netshimukulukile pa lubombo lua mutu wende. 17  Nentumbishe Yehowa bua kulumbuluisha kuende kuakane;+Nengimbe misambu ya kutumbisha nayi* dîna dia Yehowa+ Mutambe Bunene.+

Note

Anyi “Musambu wa madilu.”
Anyi “nebasunsule anyima wanyi.”
Anyi pamuapa: “Eku mupandishe muntu uvua unduisha kakuyi bualu.”
Anyi “akuate anyima wanyi.”
Anyi “uteta mioyo ne tuonyi.”
Anyi “upatula mêyi a mikanu.”
Anyi “mijiki bua.”