Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 65:1-13

MALU ADI MU MUKANDA EU

  • Nzambi udi utabalela buloba

    • “Muteleji wa disambila” (2)

    • “Wa diakalenga mmuntu uudi usungula” (4)

    • Buimpe buvule bua Nzambi (11)

Kudi muludiki. Mujiki wa Davidi. Musambu. 65  Nzambi wetu, butumbi mbukuindile mu Siona;+Netukumbaje mitshipu yetu kuudi.+   Wewe Muteleji wa disambila, bantu ba mishindu yonso* nebalue kuudi.+   Bilema bianyi mbimpite bukole,+Kadi wewe udi utubuikidila dishipa dietu dia mikenji.+   Wa diakalenga mmuntu uudi usungula ne usemeja pabuipiBua kusombaye mu mbanza yebe.+ Netukute buimpe bua mu nzubu webe,+Ntempelo webe wa tshijila.*+   Neutuandamune ne bienzedi bia buakane bidi bikemesha,+Wewe Nzambi wa lupandu luetu;Udi Tshieyemenu tshia ntengu yonso ya buloba+Ne tshia badi kule dia muamua dia mbuu.   Wewe* wakajadika mikuna bikole ku bukole buebe;Wewe* udi mudivuadike ne makanda.+   Wewe* udi ubatamija mbuu ya mavuala makole,+Mutoyi wa mavuala ayi kabidi ne diyumbakana dia bisamba.+   Bantu badi basombele miaba ya kule nebakeme bua bimanyinu biebe;+Neweleshishe ba kudi dîba dipatukila too ne ba kudi dîba dibuelela mbila ne disanka.   Udi utabalela buloba,Ubumeneshisha bintu bipite bungi* ne ubuvuija bubanji bikole.+ Kasulu ka kudi Nzambi nkuwule tente ne mâyi;Wewe udi ubapesha ntete,+Bualu mushindu au ke uwakalongolola buloba. 10  Udi ubolesha minkoloji yabu ne ulandakaja maloba abu adibu babundulule;*Udi ubutekesha ne minsensa ya mvula; udi ubenesha bintu bidi bitolokapu.+ 11  Udi ulengeja tshidimu ne buimpe buebe;Tujila tuebe ntuwule tente ne bintu bivule biyila ne panshi.*+ 12  Mpata ya mu tshipela ya didishila nyama idi ne mâyi a bungi apueka anu kupueka,*+Ne mikuna mikese mmivuadika disanka.+ 13  Mpata ya didishila nyama mmiuwule ne bisumbu bia nyama,Ne bibandabanda* mbibuikila kudi ntete.+ Bidi biela mbila ya ditshimuna, eyowa, bidi bimba misambu.+

Note

Ku mua.: “misunyi yonso.”
Anyi “muaba webe munsantu.”
Ku mua.: “Yeye.”
Ku mua.: “Yeye.”
Ku mua.: “Yeye.”
Ku mua.: “ubuwuja tente ne bintu biyila ne panshi.”
Anyi “mabula abu.”
Ku mua.: “tudi tumata manyi.”
Ku mua.: “imatshisha mamata a mâyi.”
Anyi “bibatabata.”