Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 63:1-11

MALU ADI MU MUKANDA EU

  • Kujinga Nzambi ne muoyo mujima

    • ‘Dinanga diebe dia lulamatu ndimpe kupita muoyo’ (3)

    • ‘Mukute tshidi tshitambe buimpe’ (5)

    • Kuelangana meji a Nzambi butuku (6)

    • ‘Ndi mulamate Nzambi bikole’ (8)

Mujiki wa Davidi, pavuaye mu tshipela tshia Yuda.+ 63  Wewe Nzambi, udi Nzambi wanyi, ndi ntungunuka ne kukukeba.+ Ndi nebe nyota* be!+ Ndi* mufue ne dikujinga ne muoyo mujima,Mu buloba bume ne bukamakane mudi kamuyi mâyi.+   Nunku ndi mukutangile mu muaba wa tshijila;Meme kumona bukole buebe ne butumbi buebe.+   Bu mudi dinanga diebe dia lulamatu dimpe kupita muoyo,+Mishiku yanyi meme neyikutumbishe.+   Ke bualu kayi nenkutumbishe matuku anyi onso a muoyo;Nengele bianza muulu mu dîna diebe.   Ndi* mukute ne tshitupa tshitambe buimpe ne tshitambe bulengele,*Nunku mukana muanyi nemukutumbishe ne disanka ku mishiku yanyi.+   Ndi nkuvuluka pandi pa bulalu buanyi;Ndi ngelangana meji a bualu buebe mu bikondo bia bilu bia butuku.+   Bualu wewe udi muambuluishi wanyi,+Ne ndi ngela mbila mu mundidimbi wa mapuapua ebe ne disanka.+   Ndi mukulamate* bikole;Tshianza tshiebe tshia balume ntshinkuate bikole.+   Kadi badi bakeba kubutula muoyo wanyi*Nebapueke mu ndondo ya buloba. 10  Nebafidibue ku bukokeshi bua muele wa mvita;Nebalue biakudia bia mibuabua.* 11  Kadi mukalenge neasankile mu Nzambi. Muntu yonso udi uditshipa mu dîna Diende neasanke bikole,*Bualu mukana mua badi bashima nemupuwishibue.

Note

Anyi “Anyima wanyi udi nebe nyota.”
Ku mua.: “Musunyi wanyi udi.”
Anyi “Anyima wanyi udi.”
Ku mua.: “bienze anu bu ne bifutafuta ne manyi.”
Anyi “Anyima wanyi mmukulamate.”
Anyi “kubutula anyima wanyi; kunshipa.”
Anyi “mikenge, tubundi.”
Anyi “neaditumbishe.”