Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 62:1-12

MALU ADI MU MUKANDA EU

  • Lupandu lulelela ludi lufumina kudi Nzambi

    • “Ndi muindile Nzambi mupuwe talalaa” (1, 5)

    • ‘Pumunayi mioyo yenu kumpala kua Nzambi’ (8)

    • Bantu badi anu mupuya wa patupu (9)

    • Kanueyemenyi bubanji (10)

Kudi muludiki; wa Yedutuna.* Mujiki wa Davidi. 62  Bushuwa, ndi* muindile Nzambi mupuwe talalaa. Lupandu luanyi ludi lufumina kudiye.+   Bushuwa, yeye udi dibue dianyi ne lupandu luanyi, tshinyemenu tshianyi tshikole;*+Kabakunnyukula bikole musangu nansha umue to.+   Nenubunde muntu too ne dîba kayi bua kumushipa?+ Nuenu bonso nudi njiwu anu bu tshimanu tshidi tshisendame, tshimanu tshia mabue tshidi tshikeba kupuka.*   Bualu badi bumvuangana bua kumukulula ku muaba wende mubandile;*Mbasue kushima. Badi babenesha ne mukana muabu, kadi munda muabu bela mulawu.+ (Sela)   Bushuwa, ndi muindile Nzambi mupuwe talalaa,*+Bualu ditekemena dianyi didi difumina kudiye.+   Bushuwa, yeye udi dibue dianyi ne lupandu luanyi, tshinyemenu tshianyi tshikole;Kabakunnyukula musangu nansha umue to.+   Lupandu luanyi ne butumbi buanyi bidi anu kudi Nzambi. Dibue dianyi dikole, tshinyemenu tshianyi, n’Nzambi.+   Mueyemenayi bikondo bionso, nuenu bantu. Pumunayi mioyo yenu kumpala kuende.+ Nzambi ke tshietu tshinyemenu.+ (Sela)   Bana ba bantu badi anu mupuya wa patupu,Bana ba bantu badi anu tshidingishilu.+ Padibu babateka bonso pamue pa tshipimu, mbapepele kupita ne mupuya wa patupu.+ 10  Kanueyemenyi dinyengangana bintu,Kanuikadi nansha ne ditekemena dia dishima mu buivi. Biavula bubanji buenu, kanutekiku muoyo wenu to.+ 11  Nzambi mmuakule musangu umue, meme kumvua bualu ebu misangu ibidi,Ne: bukole mbua Nzambi.+ 12  Kabidi, dinanga dia lulamatu ndiebe, wewe Yehowa,+Bualu udi ufuta muntu yonso bilondeshile bienzedi biende.+

Note

Tang. Diumv.
Anyi “anyima wanyi udi.”
Anyi “muaba wanyi mutumbuke wa bukubi.”
Anyi pamuapa: “Nuenu bonso, anu bu ne: yeye ntshimanu tshisendame, tshimanu tshia mabue tshidi tshikeba kupuka.”
Anyi “mu bunême buende.”
Anyi “wewe anyima wanyi, indila Nzambi mupuwe talalaa.”