Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 60:1-12

MALU ADI MU MUKANDA EU

  • Nzambi udi ukokesha bena lukuna

    • Lupandu lua kudi bantu ludi patupu (11)

    • “Netupetele bukole kudi Nzambi” (12)

Kudi muludiki; bilondeshile “Tshilongo tshia kapapankole tshia divuluija.” Miketame.* Wa Davidi. Bua kulongesha. Pakaluanganaye ne Alama-nahalayima ne Alama-Soba, ne Yoaba wakapingana, kushipaye bena Edome binunu 12 mu Tshibandabanda tshia Mukele.+ 60  Wewe Nzambi, wakatubenga; wakatangalaja basalayi betu.+ Uvua mutufiikile munda; kadi mpindieu tuitaba kabidi!   Wewe wakakankisha buloba; wakabupanda. Jika mitanta yabu, bualu budi buenda bupuka.   Uvua mukebele bantu bebe ntatu. Uvua mutunuishe mvinyo udi ututetuisha.+   Fila* tshimanyinu kudi badi bakutshinaBua banyeme ne bepele buta bua mikete. (Sela)   Bua bantu bebe baudi munange basungidibue,Tupandisha ne tshianza tshiebe tshia balume ne tuandamuna.+   Nzambi mmuakule mu bunsantu buende* wamba ne: “Nensanke bikole, nemfile Shekeme bu bumpianyi,+Nempime Tshibandabanda* tshia Sukota.+   Gilada nguanyi anu bu mudi Manashe wanyi,+Efelayima ntshifulu* bua mutu wanyi;Yuda ndikombo dianyi dia bumfumu.+   Moaba ndilongo dianyi dia kuowela mâyi.+ Nengase Edome sandala wanyi.+ Nengelele Peleshete lubila lua ditshimuna.”+   Nnganyi wamfikisha mu tshimenga tshidibu batshintshimike?* Nnganyi wandombola too ne ku Edome?+ 10  Ki nguewe, Nzambi wanyi, udi mutulekele,Nzambi wetu, udi katshiyi upatuka ne biluilu bietu anyi?+ 11  Tuambuluisha mu dikenga dietu,Bualu lupandu lua kudi bantu ludi patupu.+ 12  Netupetele bukole kudi Nzambi,+Ne yeye neadiatakaje baluishi betu.+

Note

Tang. Diumv.
Anyi pamuapa: “Udi mufile.”
Anyi pamuapa: “mu muaba wende wa tshijila.”
Anyi “Tshibatabata.”
Ku mua.: “mmuaba mukolesha wa kusokomena.”
Anyi pamuapa: “tshimenga tshikolesha.”