Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 6:1-10

MALU ADI MU MUKANDA EU

  • Dilomba dia dianyishibua

    • Bafue kabena batumbisha Nzambi (5)

    • Nzambi udi uteleja milombu ya kuanyishibua (9)

Kudi muludiki; wa kuimba tshiapamue ne biombelu bia nshinga biakaja mu tshiona tshia Sheminita.* Mujiki wa Davidi. 6  Yehowa wanyi, kuntandishi mu tshiji tshiebe to,Ne kumbedi mu tshiji tshiebe tshikole to.+   Undeje luse, Yehowa wanyi, bualu ndi ngenda nteketa. Yehowa wanyi, ungondope,+ bualu mifuba yanyi idi ikanka.   Bushuwa, ndi* ne dipampakana dikole,+Ndi nkuebeja, Yehowa wanyi, nebitungunuke mutantshi bule kayi?+   Yehowa wanyi, pingana ne unsungile;*+Mpandisha bua bualu bua dinanga diebe dia lulamatu.+   Bualu mu lufu kakuena dikutela;*Nnganyi wakutumbisha mu Lukita?*+   Ndi mupungile ne kutua kuanyi kua mikemu;+Butuku bujima, ndi mbolesha bulalu buanyi bolabola ne binsonji;*Ndi nguwuja kalalu kanyi ne muadi.+   Dîsu dianyi nditekete bua kanyinganyinga kanyi;+Ndilue bitayitayi* bua bualu bua bonso badi bankengesha.   Umbukayi kundi, nuenu bonso badi benza malu mabi,Bualu Yehowa neateleje dîyi dia muadi wanyi.+   Yehowa neateleje dilomba dianyi dia kuanyishibua;+Yehowa neitabe disambila dianyi. 10  Bena lukuna banyi bonso nebafuishibue bundu ne nebikale ne buôwa;Nebapingane tshianyima mu bundu diakamue.+

Note

Tang. Diumv.
Anyi “anyima wanyi udi.”
Anyi “usungile anyima wanyi.”
Anyi “dikuvuluka.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “mfikisha bulalu buanyi ku diowela.”
Anyi “Ndikulakaje.”