Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 58:1-11

MALU ADI MU MUKANDA EU

  • Kudi Nzambi udi ulumbuluisha buloba

    • Disambila bua kunyoka bantu babi (6-8)

Kudi muludiki; bilondeshile “Kufikishi ku kabutu.” Wa Davidi. Miketame.* 58  Nudi mua kuakula bua buakane panudi bapuwe anyi?+ Nuenu bana ba bantu, nudi mua kulumbuluisha ne bululame anyi?+   Pamutu pa kuenza nanku, nudi nulukakaja malu adi kaayi makane mu mioyo yenu,+Ne bianza bienu bidi bibueja tshikisu mu ditunga.+   Bantu babi mbapambuke* katshia anu ku diledibua diabu;*Mbantomboji, bena mashimi katshia anu ku tshikondo tshidibu baledibua.   Lulengu luabu ludi anu bu lulengu lua nyoka;+Mbampudi matshi anu bu nyoka wa kobra udi ujika ditshi diende.   Kakumvua dîyi dia bena mupongo wa ntekesha,Nansha malu abu a mipongo owu makole mushindu kayi.   Nzambi wanyi, bapuola mênu mukana muabu! Yehowa wanyi, tshibula mbanga ya ntambue* eyi!   Bajimine anu bu mudi mâyi adibu bapuekesha ajika. Yeye anane buta buende ne abakulule ne mikete yende.   Bobu bikale bu nyonga udi wenguluka padiye wenda udikoka;Bu muana udibu balele mufue kudi mamu, udi kayi umona dîba nansha kakese.   Kumpala kua ngesu yenu kayiyi mianji kukuata kapia ka tumitshi tua mêba,Yeye neumbushe tumatamba tubishi ne tudi ne kapia, anu bu mu tshipepele tshikole.+ 10  Muntu muakane neasanke bualu mmumone disombuela;+Makasa ende neikale matote ne mashi a bantu babi.+ 11  Dîba adi bantu nebambe ne: “Bushuwa, difutu didiku bua bantu bakane.+ Bulelela, kudi Nzambi udi ulumbuluisha pa buloba.”+

Note

Tang. Diumv.
Anyi “mbanyanguke.”
Ku mua.: “katshia mu difu.”
Anyi “bana ba ntambue ba misalala.”