Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 57:1-11

MALU ADI MU MUKANDA EU

  • Dilomba dia dianyishibua

    • Kunyemena muinshi mua mapuapua a Nzambi (1)

    • Bena lukuna badi bakuluka mu mateyi abu nkayabu (6)

Kudi muludiki; bilondeshile “Kufikishi ku kabutu.” Wa Davidi. Miketame.* Pavuaye munyeme Shaula muye mu nyongolo.+ 57  Ngambuluisha, Nzambi wanyi, ngambuluisha,Bualu ndi nyemena* kuudi,+Ne ndi nyemena mu mundidimbi wa mapuapua ebe too ne papita ntatu.+   Ndi mbikila Nzambi Mutambe Bunene,Nzambi mulelela udi uyimfikishila ku ndekelu.   Yeye neatume diambuluisha difumina mu diulu, neampandishe.+ Neakondakaje muntu udi ungamba mêyi a luonji. (Sela) Nzambi neatume dinanga diende dia lulamatu pamue ne lulamatu luende.+   Ndi* munyunguluka kudi ntambue;+Ndi ne bua kulala munkatshi mua bantu badi bakeba kundia,Badi ne mênu mikale mafuma ne miketeNe badi ne ludimi luikale muele wa mvita mutue.+   Nzambi wanyi, tumbishibua pa mutu pa diulu;Butumbi buebe buikale pa mutu pa buloba bujima.+   Mbalongolole bukondo bua kuteya makasa anyi;+Ndi* mukobame ne dikenga.+ Mbumbule dijimba kumpala kuanyi,Kadi mbakulukamu bobu nkayabu.+ (Sela)   Muoyo wanyi mmushindame, Nzambi wanyi,+Muoyo wanyi mmushindame. Nenkuimbile misambu ne nenkuimbile mijiki.   Tabala, wewe butumbi buanyi. Tabala, wewe tshiombelu tshia nshinga; ne wewe lunzenze kabidi. Nembishe kabundubundu.+   Yehowa wanyi, nenkutumbishe munkatshi mua bukua bantu;+Nenkuimbile misambu ya kukutumbisha nayi* munkatshi mua bisamba.+ 10  Bualu dinanga diebe dia lulamatu ndinene, ditumbuke anu bu diulu,+Ne lulamatu luebe ndufike too ne mu biululu. 11  Nzambi wanyi, tumbishibua pa mutu pa diulu;Butumbi buebe buikale pa mutu pa buloba bujima.+

Note

Tang. Diumv.
Anyi “anyima wanyi udi unyemena.”
Anyi “Anyima wanyi udi.”
Anyi “Anyima wanyi udi.”
Anyi “mijiki.”