Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 56:1-13

MALU ADI MU MUKANDA EU

  • Disambila pavuabu bamukengeshe

    • “Ndi ngeyemena Nzambi” (4)

    • “Binsonji bianyi mu kalondo kebe ka tshiseba” (8)

    • “Ntshinyi tshidi muntu wetu eu mua kungenzela?” (4, 11)

Kudi muludiki; bilondeshile “Nkutshi mupuwe udi kule.” Wa Davidi. Miketame.* Pavua bena Peleshete bamukuate mu Gata.+ 56  Nzambi wanyi, ngambuluisha, bualu muntu ufuafua udi umbunda.* Dituku dijima badi batungunuka ne kunduisha ne kunkengesha.   Baluishi banyi badi batungunuka ne kungamba mêyi a luonji dituku dijima;Bantu ba bungi badi banduisha ne diambu dionso.   Pandi ne buôwa,+ ndi nkueyemena wewe.+   Ndi ngeyemena Nzambi, muena dîyi dindi ntumbisha;Ndi ngeyemena Nzambi; tshiena ntshina to. Ntshinyi tshidi muntu* wetu eu mua kungenzela?+   Dituku dijima badi banyanga malu anyi;Meji abu adi anu a kungenzela bibi.+   Badi basokoma bua kumbunda,Badi batentekela tshidia tshianyi tshionso,+Batekemene bua kuangata muoyo wanyi.*+   Balekela bua malu mabi abu. Puekesha bisamba panshi mu tshiji tshiebe, wewe Nzambi.+   Wewe udi wenda ulondesha kutambakana* kuanyi.+ Kelekeja binsonji bianyi mu kalondo kebe ka tshiseba.+ Ki mbifunda mu mukanda webe anyi?+   Bena lukuna banyi nebapingane tshianyima dituku dindi ndomba diambuluisha.+ Ndi mujadike ne: Nzambi mmutue ku tshianyi.+ 10  Ndi ngeyemena Nzambi, muena dîyi dindi ntumbisha;Ndi ngeyemena Yehowa, muena dîyi dindi ntumbisha; 11  Ndi ngeyemena Nzambi; tshiena ntshina to.+ Ntshinyi tshidi muntu wetu eu mua kungenzela?+ 12  Ndi musuikibue kuudi ku mitshipu yanyi, wewe Nzambi;+Nenkupeshe milambu ya kukuela nayi tuasakidila.+ 13  Bualu wewe udi munsungile* ku lufu+Ne mukande makasa anyi bua kaatetuki,+Bua mmone mua kuenda kumpala kua Nzambi mu butoke bua badi ne muoyo.+

Note

Tang. Diumv.
Anyi “ungamba mêyi a luonji.”
Ku mua.: “musunyi.”
Anyi “anyima wanyi.”
Anyi “kulalakana.”
Anyi “musungile anyima wanyi.”