Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 54:1-7

MALU ADI MU MUKANDA EU

  • Disambila bua kulomba diambuluisha munkatshi mua baluishi

    • “Nzambi udi muambuluishi wanyi” (4)

Kudi muludiki; wa kuimba tshiapamue ne biombelu bia nshinga. Masikile.* Wa Davidi, pavua bena Zifa balue ne bambile Shaula ne: “Davidi mmusokome munkatshi muetu.”+ 54  Nzambi wanyi, mpandisha mu dîna diebe,+Ne mbingisha*+ ne bukole buebe.   Nzambi wanyi, teleja koku disambila dianyi;+Teya ntema ku mêyi a mukana muanyi.   Bualu benyi badi banjukila,Ne bantu badi kabayi ne luse badi bakeba muoyo* wanyi.+ Kabena ne kanemu bua Nzambi nansha.*+ (Sela)   Monayi! Nzambi udi muambuluishi wanyi;+Yehowa udi ne badi bankuatshisha.*   Yeye neapingajile baluishi banyi+ bubi buabu;Mu lulamatu luebe, ubatuishe ku ndekelu.*+   Nenkulambule milambu+ ne budisuile buonso. Nentumbishe dîna diebe, Yehowa wanyi, bualu mbimpe.+   Bualu yeye udi umpandisha ku dikenga dionso,+Ne meme nentangile bena lukuna banyi ne mêsu a ditshimuna.+

Note

Tang. Diumv.
Anyi “ndumbuluila.”
Anyi “anyima.”
Anyi “Kabena balama Nzambi kumpala kuabu.”
Anyi “bakuatshisha anyima wanyi.”
Ku mua.: “ubapuwishe.”