Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 52:1-9

MALU ADI MU MUKANDA EU

  • Kueyemena dinanga dia lulamatu dia Nzambi

    • Baditambishi bua bienzedi bibi mbadimuijibue (1-5)

    • Badi kabayi batumikila Nzambi badi beyemena biuma (7)

Kudi muludiki. Masikile.* Wa Davidi, pavua Doege muena Edome mulue ne muambile Shaula ne: Davidi uvua mulue ku nzubu kua Ahimeleke.+ 52  Wewe muntu wa bukole, bua tshinyi udi uditumbisha bua bienzedi biebe bibi?+ Dinanga dia lulamatu dia Nzambi didi dinenga dituku dijima.+   Ludimi luebe, lutue bu kapaya,+Ludi lulukakaja bua kuenzelangana bibi ne luenza malu ne dishima.+   Udi munange malu mabi bikole kupita malu mimpe,Munange kushima kupita kuamba malu adi makane. (Sela)   Udi munange dîyi dionso didi ditapa,Wewe ludimi ludi ludinga!   Ke bualu kayi Nzambi neakuupule musangu umue bua kashidi;+Neakukuate ne neakupatule mu ntenta webe;+Neakujomone mu buloba bua badi ne muoyo.+ (Sela)   Bantu bakane nebamone bualu ebu, nebuwujibue ne ditshina,+Ne nebamuseke.+   “Monayi muntu uvua kayi muvuije Nzambi tshinyemenu tshiende,*+Kadi uvua mueyemene bubanji buende bua bungi+Ne mueyemene* ngenyi yende mibi ivuaye upangadija.”*   Kadi meme nengikale bu mutshi wa olive udi musampile bikole mu nzubu wa Nzambi;Ndi mueyemene dinanga dia lulamatu dia Nzambi,+ kashidi ne tshiendelele.   Nenkutumbishe kashidi bua muudi muenze bualu;+Kumpala kua bena lulamatu bebe,Nentekemene dîna diebe,+ bualu mbimpe.

Note

Tang. Diumv.
Anyi “muaba wende mukolesha.”
Anyi “musokomene mu.”
Ku mua.: “malu mabi a kudiye.”