Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 51:1-19

MALU ADI MU MUKANDA EU

  • Disambila dia muntu udi munyingalale bua bubi

    • Muena mpekatu katshia ku dimitshibua (5)

    • “Unkezule ku mpekatu wanyi” (7)

    • “Fuka muoyo mukezuke munda muanyi” (10)

    • Muoyo musunsuke udi usankisha Nzambi (17)

Kudi muludiki. Mujiki wa Davidi, pavua muprofete Natana mulue kudi Davidi panyima pa dilala diende ne Beta-sheba.+ 51  Ndeja luse, Nzambi wanyi, bilondeshile dinanga diebe dia lulamatu.+ Jimija matomboka anyi bilondeshile luse luebe lunene.+   Nsukula ku tshilema tshianyi tshionso,+Nkezula ku mpekatu wanyi.+   Bualu ndi mumanye bimpe matomboka anyi,Ne mpekatu wanyi udi misangu yonso kumpala kuanyi.*+   Undi muenzele mpekatu nguewe, nguewe nka-yebe;*+Tshidi tshibi ku mêsu kuebe ke tshindi muenze.+ Nunku, wewe udi muakane paudi wakula,Udi muakane mu dilumbuluisha diebe.+   Mona! Mvua muledibue ne tshibawu tshia tshilema,Ne mamu wanyi uvua mungimite mu mpekatu.*+   Mona! Wewe udi wanyisha bulelela budi nabu muntu munda;+Longesha tshindi munda menemene* meji malelela.   Unkezule ku mpekatu wanyi ne tshisonsa tshia izope, nunku nengikale mukezuke;+Unsukule, nunku nengikale mutoke kupita neje.+   Ndekela ngumvue mbila ya disanka ne musangelu,Bua mifuba iuvua muzaze ilue kusanka.+   Umbusha mpala webe* ku mpekatu yanyi,+Ne kupula* bilema bianyi bionso.+ 10  Fuka muoyo mukezuke munda muanyi, Nzambi wanyi,+Teka nyuma mupiamupia munda muanyi,+ eu udi mushindame. 11  Kungipatshi kumpala kuebe;Kumbushi nyuma muimpe* webe kundi to. 12  Mpingajila disanka dia lupandu luebe;+Jula munda muanyi dijinga dia kukutumikila.* 13  Nendongeshe bashipi ba mikenji njila yebe,+Nunku benji ba mpekatu nebapingane kuudi. 14  Umpandishe ku dibanza dia mashi,+ Nzambi wanyi, Nzambi wa lupandu luanyi,+Bua ludimi luanyi lumone mua kumanyisha buakane buebe ne disanka.+ 15  Yehowa, kangula mishiku yanyi,Bua mukana muanyi mumone mua kumanyisha butumbi buebe.+ 16  Bualu wewe kuena ukeba mulambu, tshianana mvua mua kuwufila;+Kuena usanka bua mulambu wa kuosha mujima.+ 17  Milambu idi isankisha Nzambi idi lungenyi ludi luzengele;Muoyo udi musunsuke ne muzajike, Nzambi wanyi, kuakuwubenga* to.+ 18  Mu muoyo webe muimpe, enzela Siona malu mimpe;Ibaka bimanu bia Yelushalema. 19  Pashishe neusanke bua milambu ya buakane,Milambu ya kuosha ne milambu ya kufila mijima;Pashishe nebafile bimpanga bia ngombe pa tshioshelu tshiebe.+

Note

Anyi “mu lungenyi luanyi.”
Anyi “ku mutu kua bionso.”
Anyi “muena mpekatu katshia ku tshikondo tshivua mamu wanyi mungimite.”
Anyi “tshindi mu musokoko.”
Anyi “Sokoka mpala webe.”
Anyi “jimija.”
Anyi “spiritu munsantu; nyuma wa tshijila.” Tang Diumv.
Ku mua.: “Ngambuluishaku ne nyuma wa budisuile.”
Anyi “kuakuwupepeja.”