Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 50:1-23

MALU ADI MU MUKANDA EU

  • Nzambi udi ukosa tshilumbu pankatshi pa bena lulamatu ne bantu babi

    • Tshipungidi tshia Nzambi bua mulambu (5)

    • “Nzambi muine udi Mulumbuluishi” (6)

    • Nyama yonso nya Nzambi (10, 11)

    • Nzambi udi wela bantu babi patoke (16-21)

Mujiki wa Asafa.+ 50  Yehowa, Nzambi wa banzambi,*+ mmuakule;Udi ubikila bulobaKumbukila ku dipatuka dia dîba too ne ku dibuela diadi.*   Nzambi udi ukenka kumbukila mu Siona, bupuangane bua bulengele.+   Nzambi wetu nealue, kena mua kushala mupuwe nansha.+ Kumpala kuende kudi kapia kadi kosha,+Ne tshipepele tshikole tshidi tshituta tshimunyunguluke.+   Yeye udi ubikila diulu didi muulu ne buloba kabidi,+Bua kulumbuluisha bantu bende ne:+   “Sangishayi bena lulamatu banyi kundi,Bobu badi badia nanyi tshipungidi ku diambuluisha dia mulambu.”+   Diulu didi dimanyisha buakane buende,Bualu Nzambi muine udi Mulumbuluishi.+ (Sela)   “Telejayi, nuenu bantu banyi, meme nengakule;Isalele, nenkutuishe.+ Meme ndi Nzambi, Nzambi webe.+   Tshiena nkubela bua milambu yebe,Peshi bua milambu yebe ya kuosha mijima idi misangu yonso kumpala kuanyi to.+   Tshiena dijinga ne kuangata ngombe mulume mu nzubu muebe,Anyi mbuji* mu bikumbi biebe to.+ 10  Bualu nyama yonso ya tshisuku idi muitu nyanyi,+Nansha nyama idi pa mikuna tshinunu. 11  Ndi mumanye nyunyi yonso ya ku mikuna;+Nyama ya mu mpata idi bungi kabuyi kubala nyanyi. 12  Bu meme ne nzala, tshivua mua kukuambila to,Bualu buloba budi bumenesha bintu mbuanyi ne bionso bidipu.+ 13  Nendie munyinyi wa ngombeNe nennue mashi a mbuji anyi?+ 14  Fila kusakidila bu mulambu webe kudi Nzambi,+Ne kumbaja mitshipu yebe kudi Mutambe Bunene;+ 15  Umbile mu tshikondo tshia dikenga.+ Nenkusungile, ne wewe neuntumbishe.”+ 16  Kadi Nzambi neambile muntu mubi ne: “Mbukenji kayi buudi nabu bua kulondelangana mêyi ne mikandu yanyi+Anyi bua kuakula bua tshipungidi tshianyi?+ 17  Bualu wewe udi mukine dinyoka,*Ne udi utungunuka ne kuela mêyi anyi nyima.*+ 18  Paudi umona muivi, udi umuanyisha,*+Ne udi usomba ne bena masandi. 19  Udi wakula ne mukana muebe bua kutangalaja malu adi mabi,Ne dishima ndisuikila ku ludimi luebe.+ 20  Udi usomba ne wakula bibi bua muanenu;+Udi usokolola bilema bia* muana wa mamuebe. 21  Pauvua muenze malu aa, mvua mushale mupuwe,Ke wewe kuela meji ne: mvua mua kuikala anu bu wewe. Kadi mpindieu nenkubele,Ne nengele tshilumbu tshindi nebe patoke.+ 22  Elayi koku meji a bualu ebu, nuenu badi bapua Nzambi muoyo,+Bua meme tshinusunsudi, kakuyi muntu wa kunusungila. 23  Muntu udi ufila kusakidila bu mulambu wende udi untumbisha,+Kadi bua muntu udi ulonda njila mumana kuteka,Nengenze bua yeye amone lupandu lua kudi Nzambi.”+

Note

Anyi “Udi ne Bunzambi, Nzambi, Yehowa.”
Anyi “Kumbukila ku est too ne ku ouest.”
Ku mua.: “mbuji ya mpumbu.”
Anyi “dilongesha.”
Ku mua.: “kuimansha mêyi anyi panyima pebe.”
Anyi pamuapa: “udi uya kudiye.”
Anyi “unyanga lumu lua.”