Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 5:1-12

MALU ADI MU MUKANDA EU

  • Yehowa, tshinyemenu tshia bantu bakane

    • Nzambi udi ukina malu mabi (4, 5)

    • ‘Undombole mu buakane buebe’ (8)

Kudi muludiki, bua Nehilota.* Mujiki wa Davidi. 5  Yehowa wanyi, teleja mêyi anyi;+Ikala ne ntema ku mikemu yanyi.   Teya ntema ku muadi wanyi wa dilomba diambuluisha,Wewe Mukalenge wanyi ne Nzambi wanyi, bualu wewe ke undi ndomba.   Yehowa wanyi, neumvue dîyi dianyi mu dinda;+Mu dinda, nenkuambile malu adi mantonde+ ne nengindile ne muoyo kuulu kuulu.   Bualu udi Nzambi udi kayi usanka bua malu mabi;+Muntu mubi kena mua kushala pamue nebe to.+   Muena diambu kena mua kuimana kumpala kuebe. Wewe udi ukina bonso badi benza malu mabi;+   Wewe neubutule badi bamba malu a dishima.+ Yehowa udi ukina bantu badi ne tshikisu ne dishima.*+   Kadi nendue mu nzubu muebe+ bua dinanga diebe dinene dia lulamatu;+Nenginame panshi mutangile ku ntempelo webe wa tshijila* ne dikutshina dia kanemu.+   Yehowa wanyi, undombole mu buakane buebe bua bualu bua baluishi banyi;Untokeshile njila webe.+   Bualu kakuena bualu nansha bumue budibu bamba budi mua kueyemenyibua;Munda muabu mudi anu meji mabi;Muminu wabu ndukita ludi buashi;Badi babombangana ne ludimi luabu.*+ 10  Kadi Nzambi neabapishe;Malu adibu bobu bine bapangadija neabakulule.+ Bipatshibue bua dishipa diabu dia mikenji dia bungi,Bualu mbakutombokele. 11  Kadi bantu bonso badi banyemena kuudi nebasanke;+Nebikale bela mbila ne disanka misangu yonso. Wewe neukange mushindu wa kufika kudibu,Ne bantu badi banange dîna diebe nebasankile mu wewe. 12  Yehowa wanyi, neubeneshe muntu yonso udi muakane;Neumunyungulule ne dianyisha diebe anu bu ngabu munene.+

Note

Tang. Diumv.
Anyi “muntu udi wela mashi panshi ne ushima.”
Anyi “muaba wa tshijila.”
Anyi “Badi ne ngakuilu wa lubombo.”