Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 49:1-20

MALU ADI MU MUKANDA EU

  • Butshimbakane bua kueyemena biuma

    • Muntu nansha umue kena mua kukuula mukuabu (7, 8)

    • Nzambi udi ukuula mu Lukita (15)

    • Biuma kabiena mua kupandishangana ku lufu (16, 17)

Kudi muludiki. Wa bana ba Kola.+ Mujiki. 49  Telejayi bualu ebu, nuenu bukua bantu buonso. Teyayi ntema, nuenu bonso badi basombele pa buloba,*   Bakese ne banene,*Babanji ne bapele muomumue.   Mukana muanyi nemuakule malu a meji,Ne meji andi ngelangana mu muoyo wanyi+ nealeje dijingulula dia malu.   Nenteye ntema ku lusumuinu;Nengumvuije kasumuinu kanyi ne lunzenze.   Bua tshinyi ndi mua kutshina mu bikondo bia ntatu+Pandi munyunguluka kudi malu mabi a* badi bakeba kuntonkola?   Bantu badi beyemena bubanji buabu+ Ne badi baditumbisha bua biuma biabu bivule,+   Kakuena nansha umue wabu udi mua kukuula muanabu,Anyi kupesha Nzambi tshia kumupikula natshi,+   (Mushinga wa kupikula* nawu muoyo* wabu mmukole menemeneKabayi mua kuwukumbaja musangu nansha umue);   Bua yeye ikale ne muoyo bua kashidi, bua kamonyi dijimba.*+ 10  Yeye udi umona ne: nansha bena meji badi bafua;Batatakane ne badi kabayi ne meji badi bajimina pamue,+Ne badi ne bua kushila bantu bakuabu bubanji buabu.+ 11  Dijinga dia munda muabu ndia ne: nzubu yabu neyishalaku kashidi,Ntenta yabu neyishalaku ku tshipungu ne ku tshipungu tshia bantu. Mbinyike mpangu yabu mêna abu. 12  Kadi muntu, nansha yeye munemekibue, kakushalaku to;+Yeye ki mmupite nyama idi ijimina to.+ 13  Eu ke njila wa bantu batatakane+Ne wa badi babalonda badi basue kuteleja mêyi abu a patupu. (Sela) 14  Mbabasungule bu mikoko bua kuya mu Lukita.* Lufu neluikale mulami wabu;Bena bululame nebabakokeshe+ mu dinda. Tshimanyinu tshiabu tshionso netshijimine;+Pamutu pa dibalasa, Lukita*+ ke luikala nzubu wabu.+ 15  Kadi Nzambi neankuule* ku bukole bua* Lukita,*+Bualu yeye neankuate. (Sela) 16  Kutshinyi bualu muntu udi ulua mubanji,Bualu butumbi bua nzubu wende budi buvula to, 17  Bualu padiye ufua kena mua kuya ne tshintu nansha tshimue to;+Butumbi buende kabuakupueka nende nansha.+ 18  Bualu tshikondo tshidiye ne muoyo udi udianyisha.*+ (Bantu badi bakutumbisha paudi utanta.)+ 19  Kadi ndekelu wa bionso, yeye udi uya kudi bantu ba tshipungu tshia bankambua bende. Kabakumona kabidi butoke nansha. 20  Muntu udi kayi ujingulula bualu ebu, nansha yeye munemekibue,+Ki mmupite nyama idi ijimina to.

Note

Anyi “ndongoluelu wa malu.”
Ku mua.: “bana ba bukua bantu pamue ne bana ba muntu.”
Ku mua.: “tshilema tshia.”
Anyi “kukuula.”
Anyi “anyima.”
Anyi “lukita.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “Sheole,” mmumue ne: lukita lua bukua bantu buonso. Tang. Diumv.
Anyi “neakuule anyima wanyi.”
Ku mua.: “tshianza tshia.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi “wanyisha anyima wende.”