Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 48:1-14

MALU ADI MU MUKANDA EU

  • Siona, tshimenga tshia Mukalenge Munene

    • Disanka dia buloba bujima (2)

    • Kenketayi tshimenga ne bibumba biatshi (11-13)

Musambu. Mujiki wa bana ba Kola.+ 48  Yehowa udi munene ne udi mutambe kuakanyina butumbiMu tshimenga tshia Nzambi wetu, mu mukuna wende wa tshijila.   Mulengele mu butumbuke buawu, disanka dia buloba bujima,+Mmukuna wa Siona udi kule ku nord,Tshimenga tshia Mukalenge Munene.+   Mu bibumba biatshi bikolesha,Nzambi mmumanyishe ne: yeye udi tshinyemenu tshikole.*+   Bualu, tangilayi! Bakalenge mbadisangishe;*Mbaye kumpala tshiapamue.   Pakatshimonabu, bakakema. Bakapampakana ne bakanyema ne buôwa bukole.   Luzakalu luakabakuatshilaku,Didinyenga bu dia mukaji pa lulelu.   Wewe udi utshibula mazuwa a ku Tâshishi ne lupepele lua ku est.   Bituvua bumvue, mpindieu tudi badimuenenabi nkayetuMu tshimenga tshia Yehowa wa biluilu, mu tshimenga tshia Nzambi wetu. Nzambi neatshijadike bikole bua kashidi.+ (Sela)   Nzambi wetu, tudi tuelangana meji a dinanga diebe dia lulamatu+Munda mua ntempelo webe. 10  Anu bu dîna diebe, Nzambi wetu, butumbi buebeBudi bufika too ne ku ntengu ya buloba.+ Tshianza tshiebe tshia balume ntshiuwule ne buakane.+ 11  Mukuna wa Siona+ usanke,Bimenga bia* Yuda bikale ne disanka, bua mêyi ebe a dilumbuluisha.+ 12  Endayi nunyunguluka Siona; munyungulukayi yonso;Balayi bungi bua bibumba biende.+ 13  Tumayi mioyo yenu ku bimanu bikolesha* biende.+ Kenketayi bibumba biende bikolesha,Bua numone mua kulondela bena mu bipungu bia bantu bialua bualu buende. 14  Bualu Nzambi eu udi Nzambi wetu+ kashidi ne tshiendelele. Yeye neatulombole bua kashidi.*+

Note

Anyi “muaba mutumbuke wa bukubi.”
Anyi “mbatuilangane muvuabu bumvuangane.”
Ku mua.: “Bana ba bakaji ba.”
Anyi “bibumba bikole.”
Anyi pamuapa: “too ne patuafua.”