Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 47:1-9

MALU ADI MU MUKANDA EU

  • Nzambi udi Mukalenge pa buloba bujima

    • ‘Yehowa udi ukuatshisha buôwa’ (2)

    • Imbilayi Nzambi misambu ya kumutumbisha nayi (6, 7)

Kudi muludiki. Wa bana ba Kola.+ Mujiki. 47  Nuenu bukua bantu buonso, tutayi bikashi. Elelayi Nzambi mbila ya ditshimuna ne disanka.   Bualu Yehowa Mutambe Bunene udi ukuatshisha buôwa;+Yeye udi Mukalenge munene pa mutu pa buloba bujima.+   Yeye udi uteka bukua bantu ku bukokeshi buetu;Udi uteka bisamba muinshi mua makasa etu.+   Yeye udi utusunguila buetu bumpianyi,+Kudisua kua Yakoba udiye munange.+ (Sela)   Nzambi mmubande munkatshi mua mbila ya disanka;Yehowa mmubande munkatshi mua muadi wa mpungi.*   Imbayi misambu ya kutumbisha nayi* Nzambi, imbayi misambu ya kumutumbisha nayi. Imbayi misambu ya kutumbisha nayi Mukalenge wetu, imbayi misambu ya kumutumbisha nayi.   Bualu Nzambi udi Mukalenge wa buloba bujima;+Imbayi misambu ya kumutumbisha nayi, ne lejayi busunguluji.   Nzambi mmulue Mukalenge ku mutu kua bisamba.+ Nzambi udi usomba mu nkuasa wende wa bukalenge wa tshijila.   Balombodi ba bukua bantu mbadisangishe pamueNe bantu ba Nzambi wa Abalahama. Bualu bakokeshi* ba pa buloba mba Nzambi. Yeye udi mutumbishibue bikole menemene.+

Note

Anyi “lusengu lua tshimpanga; mpandalala.”
Anyi “mijiki bua.”
Ku mua.: “ngabu.”