Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 46:1-11

MALU ADI MU MUKANDA EU

  • “Nzambi udi tshinyemenu tshietu”

    • Midimu ya Nzambi idi ikemesha (8)

    • Nzambi udi ujikija mvita pa buloba buonso (9)

Kudi muludiki. Wa bana ba Kola.+ Bilondeshile ngimbilu wa Alamota.* Musambu. 46  Nzambi udi tshinyemenu tshietu ne bukole buetu,+Diambuluisha didi dipeteka lukasa bikondo bia dikenga.+   Ke bualu kayi katuakutshina to, nansha mudi buloba bushintuluka,Nansha mudi mikuna itenkakana, ikuluka mu ndondo wa mbuu,+   Nansha mudi mâyi awu akungula ne enza ntutu,+Nansha mudi mikuna ikanka bua dituta diawu dikole dia mavuala. (Sela)   Kudi musulu udi tusulu tuawu tusankisha tshimenga tshia Nzambi,+Ntenta munene wa tshijila wa tshitendelelu wa Mutambe Bunene.   Nzambi udi mu tshimenga;+ kabena mua kutshitonkola nansha. Nzambi nealue kutshiambuluisha patshiatshia.+   Bisamba bivua mu diyoyo, makalenge akatonkodibua;Yeye wakabandisha dîyi diende, buloba buakenguluka.+   Yehowa wa biluilu udi netu;+Nzambi wa Yakoba udi tshinyemenu tshietu tshikole.* (Sela)   Luayi, numone midimu ya Yehowa,Mushindu udiye muenze malu a kukema pa buloba.   Udi ujikija mvita pa buloba buonso bujima.+ Udi utshibula buta bua mikete ne usunsula difuma;Udi wosha matempu a basalayi* ne kapia. 10  “Lekelayi ne manyayi ne: meme ndi Nzambi. Nentumbishibue munkatshi mua bisamba;+Nentumbishibue pa buloba.”+ 11  Yehowa wa biluilu udi netu;+Nzambi wa Yakoba udi tshinyemenu tshikole kutudi.+ (Sela)

Note

Tang. Diumv.
Anyi “muaba mutumbuke wa bukubi.”
Anyi pamuapa: “ngabu.”