Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 44:1-26

MALU ADI MU MUKANDA EU

  • Disambila bua kulomba diambuluisha

    • “Wewe ke uvua mutupandishe” (7)

    • Bu “mikoko ya kushipabu” (22)

    • “Juka bu muambuluishi wetu!” (26)

Kudi muludiki. Wa bana ba Kola.+ Masikile.* 44  Nzambi wanyi, tudi badiumvuile ne matshi etu,Bankambua betu mbatulondele,+Malu awakenza mu matuku abu,Matuku a kale kale.   Wewe wakipata bisamba ne tshianza tshiebe+Ne wakateka bankambua betu muaba au.+ Wakazaza bisamba ne wakabipata.+   Ki nku muele wabu wa mvita kuvuabu bangate buloba abu to,+Ne diboko diabu kadivua dibafikishe ku ditshimuna to.+ Kadi nku tshianza tshiebe tshia balume, ne ku diboko diebe,+ ne ku butoke bua mpala webe,Bualu uvua mubanyishe.+   Nzambi wanyi, wewe ke Mukalenge wanyi;+Tuma dîyi bua* Yakoba ikale ne ditshimuna dionso dijima.*   Ku bukole buebe netualuje baluishi betu tshianyima;+Mu dîna diebe netudiatakaje badi bajuka bua kutuluisha.+   Bualu tshiena ngeyemena buta buanyi bua mikete,Ne muele wanyi wa mvita kawena mua kumpandisha.+   Wewe ke uvua mutupandishe kudi baluishi betu,+Wewe uvua mupuekeshe badi batukine milongo.   Nzambi ngutuapesha butumbi dituku dijima,Ne netuele dîna diebe tuasakidila bua kashidi. (Sela)   Kadi mpindieu udi mutulekele ne mutupuekeshe milongo,Kuena upatuka ne biluilu bietu. 10  Udi utungunuka ne kutupingajija tshianyima kumpala kua muluishi wetu;+Badi batukine badi bangata tshionso tshidibu basue. 11  Udi utufila bua kutudiabu bu mikoko;Udi mututangalaje munkatshi mua bisamba.+ 12  Udi upana bantu bebe bu bafila patupu;+Kuyi upeta makasa ku dibapana.* 13  Udi utuvuija bu tshipendu kudi bena mutumba netu,Bu tshintu tshia kuseka ne kupepeja kudi bonso badi batunyunguluke. 14  Udi utuvuija tshintu tshia kupetula* munkatshi mua bisamba,+Tshintu tshia bukua bantu kukupilabu mitu yabu. 15  Ndi ndiumvua mupuekeshibue milongo dituku dijima,Ne bundu buanyi mbumpite bukole, 16  Bua mutoyi wa mayobo abu ne bipendu biabu,Bua bualu bua muena lukuna wetu udi wenda udisombuela. 17  Bionso ebi mbitufikile, kadi katuena bakupue muoyo to,Katuena bashipe tshipungidi tshiebe to.+ 18  Muoyo wetu ki mmusesu-ke to;Makasa etu kaena apambuka mu njila webe nansha. 19  Kadi wewe udi mutuzajile muaba utu mibuabua isombela;Udi mutubuikidije ne mundidimbi mukole. 20  Bituikala bapue dîna dia Nzambi wetu muoyo,Anyi bituoluela nzambi wa ku babende bianza mu disambila, 21  Nzambi kakusokolola bualu ebu anyi? Yeye mmumanye malu masokome a mu muoyo.+ 22  Bua bualu buebe, tudi tushipibua dituku dijima;Tudi bangatshibue bu mikoko ya kushipabu.+ 23  Juka. Yehowa wanyi, buatshinyi utshidi anu mulale?+ Tabala! Kutungunuki ne kutulekela kashidi to.+ 24  Bua tshinyi udi usokoka mpala webe? Bua tshinyi udi upua dikenga dietu ne dikengeshibua dietu muoyo? 25  Bualu tudi* bapuekeshibue too ne mu lupuishi;Mibidi yetu mmishindikila mu buloba.+ 26  Juka bu muambuluishi wetu!+ Tusungila* bua dinanga diebe dia lulamatu.+

Note

Tang. Diumv.
Anyi “Petesha.”
Anyi “lupandu lunene.”
Anyi “ku mushinga uudi ubatuila.”
Ku mua.: “lusumuinu.”
Anyi “anyima yetu.”
Ku mua.: “Tukuula.”