Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 41:1-13

MALU ADI MU MUKANDA EU

  • Disambila dienzela mu bulalu bua disama

    • Nzambi udi ukuatshisha mubedi (3)

    • Mutungila kudi mulunda wa pa muoyo (9)

Kudi muludiki. Mujiki wa Davidi. 41  Wa diakalenga mmuntu yonso udi utabalela muntu mupuekele;+Yehowa neamusungile mu dituku dia dikenga.   Yehowa neamukube ne neamulame ne muoyo. Neabikidibue ne: mmuena diakalenga pa buloba;+Kuakumufila ku disua* dia bena lukuna bende nansha.+   Yehowa neamukuatshishe pa bulalu buende bua disama;+Mu disama diende, wewe neushintulule bulalu buende buonso.   Bualu ngakamba ne: “Yehowa wanyi, undeje luse luebe.+ Ungondope,*+ bualu ndi mukuenzele mpekatu.”+   Kadi bena lukuna banyi badi bakula bibi bua bualu buanyi bamba ne: “Ndîba kayi diafuaye ne ndîba kayi diajimina dîna diende?”   Umue wabu yeye mulue kummona, muoyo wende udi wakula malu a dishima. Udi ukeba bua kupeta bualu bubi bua kuambaye;Pashishe udi upatuka, ubutangalaja miaba yonso.   Bonso badi bankine badi banungenangana;Badi balukakaja ngenyi ya bualu bubi bua kungenzela, bamba ne:   “Bualu butambe bubi mbumukuate;Mpindieu udiye panshi, kakujuka kabidi to.”+   Nansha muntu uvua nanyi mu ditalala, muntu umvua ngeyemena,+Uvua udia diampa dianyi, mmunjudile tshikankanyi tshiende.*+ 10  Kadi wewe, Yehowa wanyi, undeje luse luebe ne unjule,Bua mmone mua kubapingajila difutu. 11  Ku bualu ebu, nemmanye ne: udi usanka bua bualu buanyi: Padi muena lukuna wanyi kayi mua kuela mbila ya dintshimuna.+ 12  Kadi meme, udi untua mpanda bua muoyo wanyi mutoke;+Neundame kumpala kuebe kashidi.+ 13  Yehowa, Nzambi wa Isalele, atumbishibueKashidi ne tshiendelele.*+ Amen, Amen.

Note

Anyi “dijinga; anyima.” Tang. Diumv.
Anyi “Wondope anyima wanyi.”
Anyi “mmunkudimukile.”
Anyi “Katshia ku bikondo bia tshiendelele too ne ku bikondo bia tshiendelele.”