Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 40:1-17

MALU ADI MU MUKANDA EU

  • Kusakidila Nzambi udi kayi kufuanyikija

    • Midimu ya Nzambi bungi tshianana kayiyi kulondelangana (5)

    • Milambu ki ngidi Nzambi ukeba kumpala kua bionso (6)

    • ‘Kuenza disua diebe ke disanka dianyi’ (8)

Kudi muludiki. Wa Davidi. Mujiki. 40  Mvua mutekemene Yehowa ne muoyo mujima,*Ne yeye wakinyika ditshi diende kundi,* wakateleja muadi wanyi wa dilomba diambuluisha.+   Wakampatula mu dijimba dia mukungulu,Mu bitotshi bia lunteke. Wakajadika makasa anyi pa mukuna wa dibue;Wakajalamija makasa anyi bimpe.   Pashishe wakateka musambu mupiamupia mukana muanyi,+Butumbi kudi Nzambi wetu. Bantu ba bungi nebatangile ne ditshina,Ne nebeyemene Yehowa.   Wa diakalenga mmuntu udi weyemena Yehowa,Udi kayi utekemena kudi bena mutu mukole anyi kudi bena mafi.*   Bintu bungibi nunku biudi muenze,Yehowa Nzambi wanyi,Midimu yebe ya kukema ne meji audi utuelela!+ Kakuena udi mua kufuanyikijibua nebe;+Bu meme mua kuteta bua kubiamba ne kuakula bualu buabi,Nebikale bungi tshianana bundi tshiyi mua kulondelangana!+   Kuvua mujinge* mulambu ne dipa,+Kadi wakakangula matshi anyi bua kutelejawu.+ Kuakalomba milambu ya kuosha ne milambu ya mpekatu to.+   Ke meme kuamba ne: “Mona, ndi mulue. Mbafunde bualu buanyi mu muvungu.*+   Kuenza disua diebe, Nzambi wanyi, ke disanka* dianyi,+Mukenji webe udi munda muanyi menemene.+   Ndi mmanyisha lumu luimpe lua buakane mu tshisumbu tshinene tshia bantu.+ Mona! Tshiena nkanda mishiku yanyi,+Anu muudi wewe mumanye bimpe, Yehowa wanyi. 10  Tshiena mbuta buakane buebe mu muoyo wanyi. Ndi mmanyisha lulamatu luebe ne lupandu luebe. Tshiena nsokoka dinanga diebe dia lulamatu ne bulelela buebe mu tshisumbu tshinene tshia bantu.”+ 11  Yehowa wanyi, kubengi kundeja luse luebe. Dinanga diebe dia lulamatu ne bulelela buebe binkube misangu yonso.+ 12  Makenga adi mannyunguluke adi bungi kabuyi kubala.+ Bilema bianyi bungi tshianana mbimpite tshiyi mua kumona njila wanyi;+Bidi bungi tshianana kupita nsuki ya ku mutu wanyi,Ne ndi mutekeshibue ku muoyo. 13  Yehowa wanyi, ikala ne disanka bua kumpandisha.+ Yehowa wanyi, luaku lukasa bua kungambuluisha.+ 14  Bonso badi bakeba kuangata muoyo* wanyiBafuishibue bundu ne bapuekeshibue milongo. Badi basanka bua dikenga dianyiBapingane tshianyima bapuekeshibue milongo. 15  Badi bangamba ne: “Woloo! Woloo!” Ku muoyo kubende bua bundu buabu. 16  Kadi badi bakukeba+Basanke bikole ne bikale ne disanka bua bualu buebe.+ Badi banange bienzedi biebe bia lupandu bambe misangu yonso ne: “Yehowa atumbishibue.”+ 17  Kadi tshiena mua kudisungila, ndi mupele;Yehowa atumaku ntema yende kundi. Wewe udi muambuluishi wanyi ne musungidi wanyi;+Nzambi wanyi, kujingakanyi to.+

Note

Anyi “muindile Yehowa ne lutulu luonso.”
Anyi “wakinama bua kunteleja.”
Anyi “bena dishima.”
Anyi “musanke bua.”
Ku mua.: “muvungu wa mukanda.”
Anyi “dijinga.”
Anyi “anyima.”