Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 38:1-22

MALU ADI MU MUKANDA EU

  • Disambila dia muntu udi ukenga udi munyingalale bua bubi buende

    • “Mu dikenga ne mu dibungama dipite bukole” (6)

    • Yehowa udi uteleja badi bamuindila (15)

    • “Mpekatu wanyi uvua untatshisha” (18)

Mujiki wa Davidi, bu divuluija.* 38  Yehowa wanyi, kuntandishi paudi mufiike munda,Anyi kumbedi paudi mu tshiji tshikole.+   Bualu mikete yebe mmimbuele munda menemene,Ne tshianza tshiebe tshidi tshinshindamena.+   Mubidi wanyi mujima udi usama* bua tshiji tshiebe. Bua mpekatu wanyi, ditalala kadiena mu mifuba yanyi.+   Bualu bilema bianyi mbindiundile pa mutu wanyi;+Bu bujitu bunene, bidi bipite bungi bundi mua kuambula.   Mputa yanyi idi inunka ne mmiboleBua butshimbakane buanyi.   Ndi mu dikenga ne mu dibungama dipite bukole;Ndi ngenda nnyunguluka mubungame dituku dijima.   Munda muanyi mudi muosha;*Mubidi wanyi mujima udi usama.+   Ndi mukuatshike tukulakaja* ne mulue muzajike yonso;Muoyo wanyi udi ukengakana udi untuishisha mikemu ne dîyi dikole.*   Yehowa wanyi, majinga anyi onso adi kumpala kuebe,Ne ditua dianyi dia mikemu ki ndikusokoka to. 10  Muoyo wanyi udi ututa lubilu, bukole buanyi mbupatuke,Ne butoke bua mêsu anyi mbumbuke kundi.+ 11  Balunda banyi ne bena dianyi badi bangepuka bua disama dianyi dikole,Bantu bandi mumanyangane nabu bikole badi bimanyina pa bule. 12  Bakebi ba muoyo wanyi* badi bangela mateyi;Badi bakeba bua kungenzela bibi badi bakula bua kabutu;+Badi banungana malu a dishima dituku dijima. 13  Kadi bu mpudi matshi, tshivua ngumvua to;+Bu kamama, tshivua nkangula mukana muanyi to.+ 14  Ndi mulue bu muntu udi kayi mua kumvua,Udi mukana muende kamuyi ne tshia kuamba bua kudilumbuluila. 15  Bualu wewe ke umvua muindile, Yehowa wanyi,+Ne wewe wakangandamuna, Yehowa Nzambi wanyi.+ 16  Bualu ngakamba ne: “Kabasanki bua dikenga dianyiAnyi kabaditumbishi bua bualu buanyi biaselemuka dikasa dianyi.” 17  Bualu nkavua ngamba kukuluka,Ne bivua binsama bivua nanyi misangu yonso.+ 18  Ngakatonda tshilema tshianyi;+Mpekatu wanyi uvua untatshisha.+ 19  Kadi bena lukuna banyi badi ne makanda* ne bukole,*Badi bankina kakuyi bualu mbalue kupita bungi. 20  Bakampingajila bubi ku buimpe;Bavua banduisha bua dilonda malu mimpe. 21  Yehowa wanyi, kundekedi to. Nzambi wanyi, kushadi kule nanyi to.+ 22  Luaku lukasa bua kungambuluisha,Yehowa wanyi, lupandu luanyi.+

Note

Anyi “bua kufikisha ku tshivulukilu.”
Ku mua.: “Kakuena ditoba dimpe mu musunyi wanyi.”
Ku mua.: “Tuonyi tuanyi ntuwule tente ne kapia.”
Anyi “tukaji tukulu.”
Anyi “umfikisha ku dikungula.”
Anyi “anyima wanyi.”
Ku mua.: “ne muoyo.”
Anyi pamuapa: “Kadi badi banduisha kakuyi bualu badi ba bungi.”