Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Misambu 37:1-40

MALU ADI MU MUKANDA EU

  • Badi beyemena Yehowa nebatante

    • Kufiikishibu munda bua bantu babi (1)

    • “Ikala ne disanka dipite bungi mu Yehowa” (4)

    • “Teka njila webe kudi Yehowa” (5)

    • “Bena bupuekele nebapiane buloba” (11)

    • Bantu bakane kabakupangila tshiakudia (25)

    • Bantu bakane nebasombe pa buloba tshiendelele (29)

Wa Davidi. א [Alefe] 37  Kufiiki munda* bua bantu babiAnyi kualakanyi benji ba malu mabi to.+   Nebafubidile ne lukasa bu tshisonsa,+Nebuminyine bu tshisonsa tshibishi tshitshidi tshitolokelaku. ב [Bete]   Eyemena Yehowa ne enza malu adi mimpe;+Somba mu buloba* ne enza malu ne lulamatu.+   Ikala ne disanka dipite bungi* mu Yehowa,Yeye neakukumbajile majinga a muoyo webe. ג [Gimele]   Teka njila webe kudi* Yehowa;+Mueyemena, ne yeye neenze tshienzedi bua bualu buebe.+   Neenze bua buakane buebe bukenke bu pa kabundubundu,Neavuije kulumbuluisha kuebe kuakane bu dîba dia munda munya. ד [Dalete]   Shala mupuwe kumpala kua Yehowa,+Umuindile ne muoyo kuulu kuulu.* Kufiiki munda bua muntuUdi ufika ku dikumbaja ngenyi idiye uluka.+ ה [He]   Umbusha tshiji ne lekela luonji;+Kufiiki munda ne kulu kuenza malu mabi.*   Bualu bantu babi nebabutudibue,+Kadi badi batekemena kudi Yehowa nebapiane buloba.+ ו [Waw] 10  Mu katupa kîpi patupu, bantu babi kabakuikalaku kabidi to;+Neutangile muaba uvuabu,Kabakuikalaku to.+ 11  Kadi bena bupuekele nebapiane buloba,+Nebikale ne disanka dipite bungi mu ditalala divule.+ ז [Zayine] 12  Muntu mubi udi welela muntu muakane tshifufu;+Udi umudiila mênu. 13  Kadi Yehowa neamuseke,Bualu Yeye mmumanye ne: dituku diende nedilue.+ ח [Hete] 14  Bantu babi badi bapatula miele yabu ya mvita ne banana* mata abu a miketeBua kukulula bakengi ne bapele,Bua kushipa badi njila wabu mululame. 15  Kadi muele wabu wa mvita newutubule muoyo wabu bobu bine;+Mata abu a mikete neatshibuke. ט [Tete] 16  Kakese ka muntu muakane nkimpeKapite divulangana dia bintu bia bantu babi ba bungi.+ 17  Bualu nebatshibule maboko a bantu babi,Kadi Yehowa neakuatshishe bantu bakane. י [Yode] 18  Yehowa mmumanye malu adi bantu badi kabayi mua kubandibua bapetangana nawu,*Ne bumpianyi buabu nebushalaku kashidi.+ 19  Kabakufuishibua bundu mutshikondo tshia tshipupu to;Mu tshikondo tshia tshiyole tshia nzala, nebikale ne bintu bia bungi. כ [Kafe] 20  Kadi bantu babi nebajimine;+Bena lukuna ba Yehowa nebajimine bu mpata milengele ya bisonsa;Nebajimine anu bu muishi. ל [Lamede] 21  Muntu mubi udi usomba bintu ne kena ufuta,Kadi muntu muakane mmuena tshipapayi* ne udi upeshangana bintu.+ 22  Badiye mubeneshe nebapiane buloba,Kadi badiye muele mulawu nebabutudibue.+ מ [Meme] 23  Yehowa udi uludika* bidia bia makasa a muntu+Padi njila wa muntu au umusankisha.+ 24  Nansha yeye mua kudishinda, kabakumukuma panshi nansha,+Bualu Yehowa udi umukuata ku tshianza.*+ נ [Nune] 25  Mvua nsonga, mpindieu nkadi mukulakaje,Kadi tshiena muanji kumona muntu muakane mulekelela,+Peshi bana bende benda bakeba tshiakudia* to.+ 26  Yeye udi usombeshangana bintu tshianana misangu yonso,+Bana bende mbafuane kupeta dibenesha. ס [Sameke] 27  Umbuka ku malu mabi, enza malu adi mimpe,+Neushalaku kashidi. 28  Bualu Yehowa mmunange kulumbuluisha kuakane,Yeye kakulekela bena lulamatu bende nansha.+ ע [Ayine] Nebikale bakubibue misangu yonso;+Kadi tunkanunuina tua bantu babi netubutudibue.+ 29  Bantu bakane nebapiane buloba,+Nebasombapu bua kashidi.+ פ [Pe] 30  Mukana mua muntu muakane mudi mupeteshangana meji,*Ludimi luende ludi luakulabua kulumbuluisha kuakane.+ 31  Mukenji wa Nzambi wende udi mu muoyo wende;+Makasa ende kaakutetuka to.+ צ [Tesade] 32  Muntu mubi udi utentekela muntu muakane,Ukeba bua kumushipa. 33  Kadi Yehowa kakumulekela mu tshianza tshia muntu au+Anyi kumupisha padibu bamulumbuluisha to.+ ק [Kofe] 34  Tekemena kudi Yehowa, londa njila wende,Ne yeye neakubandishe bua wewe kupiana buloba. Pabutudibua bantu babi,+ wewe neumone bualu ebu.+ ר [Leshe] 35  Ndi mumone muntu mubi udi kayi ne luseUdiunda bu mutshi udi musampile bikole mu buloba budiwu mutolokele.+ 36  Kadi wakajimina diakamue ne kavuaku to;+Ngakatungunuka ne kumukeba, kadi kavua mua kumueneka to.+ ש [Sine] 37  Tangila bimpe muntu udi kayi mua kubandibua,*Shala mutangile muena bululame,+Bualu matuku atshilualua a muntu au neikale a ditalala.+ 38  Kadi bashipi ba mikenji bonso nebabutudibue;Matuku atshilualua a bantu babi neakoshibue.+ ת [Taw] 39  Lupandu lua bantu bakane ludi lufumina kudi Yehowa;+Yeye ke muaba wabu mukolesha mu tshikondo tshia dikenga.+ 40  Yehowa neabambuluishe, neabasungile.+ Yeye neabasungile kudi bantu babi ne neabapandishe,Bualu badi banyemena kudiye.+

Note

Anyi “Kuangatshi luya.”
Anyi “mu ditunga.”
Anyi “Ikala usanka bikole menemene.”
Ku mua.: “Vunguluila njila webe pambidi pa.”
Anyi “ne lutulu luonso.”
Anyi pamuapa: “Kufiiki munda, bualu bidi mua kukufikisha anu ku bubi.”
Anyi “banana nshinga wa.”
Ku mua.: “matuku a badi kabayi mua kubandibua.”
Anyi “udi ulejangana luse.”
Anyi “ujalamija.”
Anyi “ne tshianza Tshiende.”
Anyi “diampa.”
Anyi “mupatula meji ne dîyi dia panshi panshi.”
Anyi “muntu udi ulama muoyo mutoke.”