Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 36:1-12

MALU ADI MU MUKANDA EU

  • Dinanga dia lulamatu dia Nzambi dia mushinga mukole

    • Muntu mubi kena utshina Nzambi (1)

    • Nzambi udi mpokolo wa muoyo (9)

    • “Ku butoke buebe, tudi tumona butoke” (9)

Kudi muludiki. Wa Davidi, muena mudimu wa Yehowa. 36  Dishipa dia mikenji didi diambila muntu mubi malu munda menemene mua muoyo wende;Kakuena ditshina dia Nzambi ku mêsu kuende to.+   Bualu yeye udi udibomba ku mêsu kuende nkayende upitshisha,Kayi mua kujingulula tshilema tshiende ne kutshikina to.+   Mêyi a mukana muende mmabi ne nga dishima;Kena uleja busunguluji bua kuenza malu adi mimpe to.   Udi uluka meji mabi nansha pa bulalu buende. Mmushindame mu njila udi kayi muimpe;Kena ulekela malu adi mabi to.   Yehowa, dinanga diebe dia lulamatu ndifike too ne mu diulu,+Lulamatu luebe ndufike too ne mu matutu.   Buakane buebe budi bu mikuna minene;*+Mêyi ebe a dilumbuluisha adi bu mâyi manene male.+ Yehowa wanyi, udi ulama* muntu ne nyama.+   Nzambi wanyi, ke mudi dinanga diebe dia lulamatu ne mushinga nunku!+ Mu mundidimbi wa mapuapua ebeMmudi bana ba bantu banyemena.+   Badi banua bintu bilenga bia bungi* bia mu nzubu muebe bukuta,+Ne udi ubanuisha musulu wa masanka ebe.+   Kuudi wewe nkudi mpokolo wa muoyo;+Ku butoke buebe, tudi tumona butoke.+ 10  Tungunuka ne kuleja badi bakumanye dinanga diebe dia lulamatu,+Ne buakane buebe, kudi badi balulame mu muoyo wabu.+ 11  Kulekedi dikasa dia badibandishi dindiatakaja,Anyi tshianza tshia bantu babi tshingipata. 12  Kuoku aku benji ba malu mabi mbakuluke;Mbabakulule panshi, kabena mua kujuka to.+

Note

Ku mua.: “bu mikuna ya Nzambi.”
Anyi “upandisha.”
Ku mua.: “bifutafuta.”