Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 34:1-22

MALU ADI MU MUKANDA EU

  • Yehowa udi usungila bena mudimu bende

    • “Tutumbishayi dîna diende tshiapamue” (3)

    • Muanjelu wa Yehowa udi ukuba (7)

    • “Labulayi, numone ne: Yehowa mmuimpe” (8)

    • ‘Kakuena umue wa ku mifuba yende udibu batshibule’ (20)

Wa Davidi, pavuaye mudivuije bu mupale+ kumpala kua Abimeleke uvua mumuipate, yeye kumbuka. א [Alefe] 34  Nentumbishe Yehowa dîba dionso;Butumbi buende nebuikale ku mishiku yanyi misangu yonso. ב [Bete]   Meme* nenditumbishile mu Yehowa;+Bena bupuekele nebumvue, nebasanke. ג [Gimele]   Samunayi Yehowa pamue nanyi;+Tutumbishayi dîna diende tshiapamue. ד [Dalete]   Ngakebeja Yehowa, yeye wakangandamuna.+ Wakansungila ku malu onso avua angenza buôwa.+ ה [He]   Bavua batangile kudiye bakabalakana ne disanka;Mpala yabu kayivua mua kufuishibua bundu to. ז [Zayine]   Mupuekele eu wakabikila, Yehowa wakamuteleja. Yeye wakamupandisha ku makenga ende onso.+ ח [Hete]   Muanjelu wa Yehowa udi wasa tshitudilu tshinyunguluke bantu badi bamutshina,+Ne udi ubasungila.+ ט [Tete]   Labulayi, numone ne: Yehowa mmuimpe;+Wa diakalenga mmuntu udi unyemena kudiye. י [Yode]   Tshinayi Yehowa, nuenu bansantu bende bonso,Bualu badi bamutshina kabena bapangila tshintu nansha tshimue.+ כ [Kafe] 10  Nansha bana ba ntambue badi ne makanda* mbafike ku disomba ne nzala,Kadi bantu badi bakeba Yehowa kabakupangila tshintu tshimpe nansha tshimue.+ ל [Lamede] 11  Luayi, bana banyi, ntelejayi;Nennulongeshe ditshina dia Yehowa.+ מ [Meme] 12  Nnganyi wa munkatshi muenu udi usanka bua muoyoNe udi munange kumona matuku a bungi mimpe?+ נ [Nune] 13  Nunku, lama ludimi luebe ku malu adi mabi,+Mishiku yebe ku diakula malu a dishima.+ ס [Sameke] 14  Umbuka ku malu mabi, enza malu mimpe;+Keba ditalala ne udilonde.+ ע [Ayine] 15  Mêsu a Yehowa adi kudi bantu bakane,+Ne matshi ende adi ateleja muadi wabu wa dilomba diambuluisha.+ פ [Pe] 16  Kadi mpala wa Yehowa mmutangija kudi badi benza malu mabiBua kukupula tshivulukilu tshiabu tshionso pa buloba.+ צ [Tesade] 17  Bakela lubila, Yehowa wakabateleja;+Wakabasungila ku makenga abu onso.+ ק [Kofe] 18  Yehowa udi pabuipi ne badi ne muoyo musunsuke;+Udi upandisha badi bazajibue mu lungenyi luabu.*+ ר [Leshe] 19  Ntatu ya* muntu muakane nya bungi,+Kadi Yehowa udi umusungila kudiyi yonso.+ ש [Shine] 20  Udi ulama mifuba yende yonso;Kakuena umue wa kudiyi udibu batshibule.+ ת [Taw] 21  Tshipupu netshishipe bantu babi;Badi bakina bantu bakane nebapishibue. 22  Yehowa udi upikula muoyo* wa bena mudimu bende;Kakuena umue wa ku badi banyemena kudiye wapishibua to.+

Note

Anyi “Anyima wanyi.”
Anyi “bana ba ntambue ba misalala.”
Anyi “badi batekeshibue mu maboko.”
Anyi “Makenga a.”
Anyi “anyima.”