Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 33:1-22

MALU ADI MU MUKANDA EU

  • Butumbi kudi Mufuki

    • “Muimbilayi musambu mupiamupia” (3)

    • Difukibua ku dîyi dia Yehowa ne nyuma wende (6)

    • Tshisamba tshia Yehowa ntshia diakalenga (12)

    • Dîsu dia Yehowa didi ditangila (18)

33  Nuenu bantu bakane, elayi mbila ne disanka bua bualu bua Yehowa.+ Mbikumbane bua bena bululame kumutumbishabu.   Elayi Yehowa tuasakidila ne lunzenze;Muimbilayi misambu ya kumutumbisha nayi* ne tshiombelu tshia nshinga dikumi.    Muimbilayi musambu mupiamupia;+Imbayi nshinga ne dimanya dionso, pamue ne mbila ya disanka.   Bualu dîyi dia Yehowa ndilulame,+Ne tshionso tshidiye wenza ntshikumbane kutshieyemena.   Mmunange buakane ne kulumbuluisha kuakane.+ Buloba mbuwule tente ne dinanga dia lulamatu dia Yehowa.+   Ku dîyi dia Yehowa diulu diakafukibua,+Ne ku nyuma* wa mukana muende bionso bidimu* biakafukibua.   Udi ukunguija mâyi a mu mbuu bu nkila;+Udi wela mâyi a mavuala makole mu mayeba.   Buloba bujima butshine Yehowa.+ Badi basombele pa buloba budi bumenesha bintu bikale ne ditshina bua bualu buende.   Bualu wakakula, biobi kufika ku dikalaku;+Wakatuma dîyi, biobi kuimana tendee.+ 10  Yehowa mmutatakaje ngenyi idibu baluka kudi* bisamba;+Mmupangishe malu adibu balongolole* kudi bukua bantu.+ 11  Kadi mapangadika a* Yehowa neashalaku kashidi;+Meji a mu muoyo wende adiku bua bipungu ne bipungu bia bantu. 12  Tshisamba tshia diakalenga ntshidi Nzambi watshi muikale Yehowa,+Bantu badiye musungule bu tshintu tshiende yeye.+ 13  Yehowa mu diulu udi utangila panshi;Udi umona bana ba bantu bonso.+ 14  Mu muaba wende udiye musombeleMmudiye ujojela bantu badi basombe pa buloba. 15  Yeye ke udi ufumba mioyo ya bonso;Udi ukonkonona malu onso adibu benza.+ 16  Kakuena mukalenge udi upandishibua kudi tshiluilu tshinene tshia basalayi;+Tshilobo katshiena tshipandishibua ku bukole buatshi bua bungi nansha.+ 17  Kabalu nditekemena dia lupandu* dia dishima;+Bukole buaku kabuena bujadika dipanduka to. 18  Mona! Dîsu dia Yehowa didi ditangila badi bamutshina,+Badi bindila dinanga diende dia lulamatu, 19  Bua kubasungila* ku lufu Ne kubalama ne muoyo tshikondo tshia tshiyole tshia nzala.+ 20  Tudi bindile* Yehowa. Yeye ke muambuluishi wetu ne ngabu wetu.+ 21  Mioyo yetu idi isankila mu yeye,Bualu tudi beyemene dîna diende dia tshijila.+ 22  Yehowa wetu, dinanga diebe dia lulamatu dikale pambidi petu+Patudi tushala bakuindile wewe.+

Note

Anyi “mijiki.”
Anyi “mupuya.”
Ku mua.: “musumba wadi wonso.”
Anyi “mapangadika a.”
Anyi “meji.”
Anyi “ngenyi ya.”
Anyi “dia ditshimuna.”
Anyi “kusungila anyima wabu.”
Anyi “Anyima wetu mmuindile.”