Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 32:1-11

MALU ADI MU MUKANDA EU

  • Badibu bafuile luse mba diakalenga

    • “Ngakatonda mpekatu wanyi kuudi” (5)

    • Nzambi udi ukupesha busunguluji (8)

Wa Davidi. Masikile.* 32  Wa diakalenga ngudibu bafuile luse bua dishipa diende dia mikenji, udibu babuikidile* mpekatu wende.+   Wa diakalenga mmuntu udi Yehowa kayi ubanda ne tshilema,+Udi kayi ne dishima mu lungenyi luende.   Pamvua mushale mupuwe, mifuba yanyi ivua ipeluka bua kutua kuanyi kua mikemu dituku dijima.+   Bualu tshianza* tshiebe tshivua tshinnemene bujitu munya ne butuku.+ Bukole buanyi buvua bubuuke* bu mâyi mu munya mukole wa mu muvu wa luya lukole.* (Sela)   Ndekelu wa bionso ngakatonda mpekatu wanyi kuudi;Tshivua musokoke tshilema tshianyi to.+ Ngakamba ne: “Nentondele Yehowa dishipa dianyi dia mikenji.”+ Wewe wakamfuila luse bua tshilema tshia mpekatu yanyi.+ (Sela)   Ke bualu kayi muena lulamatu yonso neakulombe mu disambila+Patshidiku mushindu wa kukupeta.+ Dîba adi, nansha mâyi a bungi mapasalale, kaakufika kudiye to.   Wewe udi muaba wa tshisokomenu kundi;Neunkube ku dikenga.+ Neunnyunguluke ne mbila ya disanka ya disungila.+ (Sela)   “Nenkupeshe busunguluji ne nenkulongeshe njila uudi ne bua kuendela.+ Nenkupeshe mibelu ne dîsu dianyi kuudi.+   Kulu bu kabalu anyi mpunda udi kayi ne lungenyi to,+Udibu ne bua kukanda divumakana diende ne lukanu lua mu mbanga anyi ne mionji ya ku mbangaKumpala kua yeye kusemena pabuipi nebe.” 10  Tunyinganyinga tua bantu babi ntua bungi;Kadi muntu udi weyemena Yehowa mmunyunguluka kudi dinanga Diende dia lulamatu.+ 11  Sankilayi mu Yehowa ne nuikale ne disanka, nuenu bantu bakane;Elayi mbila ne disanka, nuenu bonso badi balulame mu muoyo wenu.

Note

Tang. Diumv.
Anyi “balekeleele.”
Anyi “dibenga kunganyisha.”
Anyi “Tshitalele tshia muoyo wanyi tshivua tshikudimuke.”
Anyi “été.