Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 31:1-24

MALU ADI MU MUKANDA EU

  • Kunyemena kudi Yehowa

    • “Ndi mfila nyuma wanyi mu tshianza tshiebe” (5)

    • ‘Yehowa, Nzambi wa bulelela’ (5)

    • Buimpe buvule bua Nzambi (19)

Kudi muludiki. Mujiki wa Davidi. 31  Yehowa wanyi, kuudi wewe nkundi munyemene.+ Tshifuishibu koku bundu nansha.+ Unsungile bua buakane buebe.+   Inyika ditshi diebe* kundi. Luaku lukasa bua kunsungila.+ Ulue kundi mukuna wa kusokomena,Muaba mukolesha bua kumpandisha.+   Bualu wewe udi mukuna wanyi wa dibue ne muaba wanyi wa kusokomena;+Neundombole+ ne neundudike bua bualu bua dîna diebe.+   Neunsulule mu bukondo budibu bangelele mu musokoko,+Bualu wewe ke muaba wanyi mukolesha.+   Ndi nshiya nyuma wanyi mu tshianza tshiebe.+ Udi mumpikule, Yehowa wanyi, Nzambi wa bulelela.*+   Ndi nkina badi badifila ku mpingu ya patupu idi kayiyi ne mushinga,Kadi meme, ndi mueyemene Yehowa.   Nensankile mu dinanga diebe dia lulamatu bikole,Bualu wewe udi mumone lutatu luanyi;+Udi mumanye dikenga dianyi dikole.*   Kuena mumfile mu bianza bia muena lukuna to,Kadi udi ungimanyika muaba udi kawuyi njiwu.*   Yehowa wanyi, undeje luse luebe, bualu ndi mu dikenga. Kanyinganyinga nkatekeshe mêsu anyi,+ ne mubidi wanyi wonso* kabidi.+ 10  Muoyo wanyi mmubutuke ne kanyinganyinga+Ne bidimu bianyi ne ditua dia mikemu.+ Bukole buanyi budi bukepela bua tshilema tshianyi;Mifuba yanyi idi iteketa.+ 11  Ndi mupetudibue kudi baluishi banyi bonso,+Nangananga bena mutumba banyi. Bandi mumanyangane nabu bakadi bangumvua buôwa bukole;Padibu bammona pa bantu, badi bannyema.+ 12  Mbangumbushe mu muoyo wabu* ne bampue muoyo, bienze bu ne: nkavua mufue;Ndi bu mulondo mutayike. 13  Ndi mumvue manunganyi mabi a bungi;Buôwa bukole mbunjingile.+ Padibu badisanga pamue bu muntu umue bua kunduisha,Badi baluka meji a kujimija muoyo* wanyi.+ 14  Kadi ndi nkueyemena, Yehowa wanyi.+ Ndi ngamba ne: “Wewe udi Nzambi wanyi.”+ 15  Matuku* anyi adi mu tshianza tshiebe. Unsungile ku tshianza tshia bena lukuna banyi ne kudi badi bankengesha.+ 16  Ukenkeshile muena mudimu webe mpala webe.+ Umpandishe ne dinanga diebe dia lulamatu. 17  Yehowa wanyi, tshifuishibu koku bundu pandi nkubila.+ Bantu babi bafuishibue bundu;+Bapuwishibue mu Lukita.*+ 18  Mishiku idi ishima ipangile muakulu,+Mishiku idi yakula bua bantu bakane ne diambu, ne didibandisha ne dipetu. 19  Ke mudi buimpe buebe buvulangane nunku!+ Udi mubulamine badi bakutshina,+Udi mubuleje kumpala kua bantu bonso, bua badi banyemena kuudi.+ 20  Neubasokoke muaba musokome udi kumpala kuebe+Ku mayele adi bantu baluka;Neubasokoke muaba webe wa kupengamaKu dibundangana dibi.*+ 21  Yehowa atumbishibue,Bualu mmundeje dinanga diende dia lulamatu mu mushindu wa dikema+ mu tshimenga tshidibu batshintshimike.+ 22  Kadi meme, ngakapampakana, meme kuamba ne: “Nenjimine kumpala kuebe.”+ Kadi wewe wakumvua mitendekenu yanyi ya dilomba diambuluisha pamvua mukuele lubila.+ 23  Nangayi Yehowa, nuenu bonso badi bamulamate!+ Yehowa udi ukuba bena lulamatu,+Kadi muntu yonso udi uleja didibandisha, udi umufuta bibi bitambe.+ 24  Ikalayi ne dikima, ne muoyo wenu wikale mukole,+Nuenu bonso badi bindila Yehowa.+

Note

Anyi “Inama, uteleje.”
Anyi “Nzambi wa lulamatu.”
Anyi “makenga a anyima wanyi.”
Anyi “muaba mualabale.”
Anyi “anyima wanyi ne difu dianyi.”
Anyi “meji abu.”
Anyi “anyima.”
Ku mua.: “Bikondo.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “Ku matandu a ndimi.”