Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 3:1-8

MALU ADI MU MUKANDA EU

  • Kueyemena Nzambi nansha mudi njiwu koku

    • ‘Bua tshinyi baluishi bungi nunku?’ (1)

    • “Lupandu ndua Yehowa” (8)

Mujiki wa Davidi pavuaye unyema muanende Abashaloma.+ 3  Yehowa wanyi, bua tshinyi baluishi banyi mbavulangane nunku?+ Bua tshinyi bantu bungi nunku badi bajuka bua kunduisha?+   Ba bungi badi bamba bua bualu buanyi* ne: “Nzambi kakumupandisha to.”+ (Sela)*   Kadi wewe, Yehowa wanyi, udi ngabu udi munnyunguluke,+Butumbi buanyi+ ne Yeye udi ujula mutu wanyi.+   Nengele lubila lukole kudi Yehowa,Ne yeye neangandamune kumbukila ku mukuna wende wa tshijila.+ (Sela)   Nendiolole panshi ne nendale tulu;Nembike mu bukubi,Bualu Yehowa udi utungunuka ne kunkuatshisha.+   Tshiena ntshina bantu makumi a binunuBadi bele mulongo bua kunduisha ku nseke yonso.+   Juka, Yehowa wanyi! Umpandishe,+ wewe Nzambi wanyi! Bualu neukume bena lukuna banyi bonso ku mbanga;Neutshibule mênu a bantu babi.+   Lupandu ndua Yehowa.+ Dibenesha diebe didi pa bantu bebe. (Sela)

Note

Anyi “anyima wanyi.”
Tang. Diumv.