Ndaku munda

Ndaku ku tshikebelu

Bantemu ba Yehowa

Sungula muakulu Tshiluba

Misambu 29:1-11

MALU ADI MU MUKANDA EU

  • Dîyi dia Yehowa dia bukole

    • Kutendelela bavuale bintu bilengele bia tshijila (2)

    • “Nzambi wa butumbi udi ukungula” (3)

    • Yehowa udi ukolesha bantu bende (11)

Mujiki wa Davidi. 29  Peshayi Yehowa tshidi bu tshiende, nuenu bana ba bantu ba bukole,Peshayi Yehowa tshidi bu tshiende bua butumbi buende ne bukole buende.+   Peshayi Yehowa butumbi budi buakanyine dîna diende. Inaminayi* Yehowa bavuale bintu bilengele bia tshijila.*   Dîyi dia Yehowa didi diumvuika pa mutu pa mâyi;Nzambi wa butumbi udi ukungula.+ Yehowa udi pa mutu pa mâyi a bungi.+   Dîyi dia Yehowa ndia bukole;+Dîyi dia Yehowa ndia butumbi.   Dîyi dia Yehowa didi ditshibula mitshi ya sedre;Ee, Yehowa udi utayisha mitshi ya sedre ya mu Lebanona.+   Udi wenzeja Lebanona* bua kuenda kutumpika bu kana ka ngombeNe Sileona+ bua kuenda kutumpika bu muana wa ngombe wa tshisuku.   Dîyi dia Yehowa didi dituta ne ndimi ya kapia;+   Dîyi dia Yehowa didi dizakeja tshipela;+Yehowa udi uzakeja tshipela tshia Kadeshe.+   Dîyi dia Yehowa didi dizakeja ngulungu ne udi ulela,Ne dishiya metu munda mutupu.+ Bonso badi mu ntempelo wende badi bamba ne: “Butumbi!” 10  Yehowa mmusombe mu nkuasa wa bukalenge pa mutu pa mâyi a bungi adi apasalala;*+Yehowa mmusombe mu nkuasa wa bukalenge bu Mukalenge bua kashidi.+ 11  Yehowa neapeshe bantu bende bukole.+ Yehowa neabeneshe bantu bende ne ditalala.+

Note

Anyi “Tendelelayi.”
Anyi pamuapa: “bua butumbi bua bunsantu buende.”
Bidi bimueneka ne: mmulongolongo wa mikuna ya mu Lebanona.
Anyi “mbuu wa mu diulu.”