Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 28:1-9

MALU ADI MU MUKANDA EU

  • Mbateleje disambila dia muimbi wa misambu

    • “Yehowa udi bukole buanyi ne ngabu wanyi” (7)

Wa Davidi. 28  Kuudi wewe nkundi ntungunuka ne kuela lubila, Yehowa Dibue dianyi;+Kunkangidi matshi ebe. Wewe mushale mumpuwe,Nendue bu bantu badi bapueka mu dijimba.*+   Teleja mitendekenu yanyi pandi nkudidila ndomba diambuluisha,Pandi mbandisha bianza bianyi bitangija ku nzubu wa munda menemene mua muaba webe munsantu.+   Kungumbushi pamue ne bantu babi, pamue ne batu benza malu mabi,+Badi bambila muinabu mêyi a ditalala eku malu mabi mikale mu mioyo yabu.+   Ubafute bua malu adibu benza,+Bilondeshile bienzedi biabu bibi. Ubafute bua mudimu wa bianza biabu,Bilondeshile malu adibu benze.+   Bualu kabena bateya ntema ku bienzedi bia Yehowa+Anyi ku mudimu wa bianza biende to.+ Neababumbule ne kakubibaka nansha.   Yehowa atumbishibue,Bualu mmuteleje mitendekenu yanyi ya dilomba diambuluisha.   Yehowa udi bukole buanyi+ ne ngabu wanyi;+Muoyo wanyi udi umueyemena.+ Ndi mupete diambuluisha diende, ne muoyo wanyi udi usanka,Nunku, nemmutumbishe ne musambu wanyi.   Yehowa udi bukole bua bantu bende;Udi tshisokomenu, upetesha muela manyi wende lupandu lunene.+   Pandisha bantu bebe, ne benesha bumpianyi buebe.+ Ubalame ne ubambule mu maboko ebe bua kashidi.+

Note

Anyi “lukita.”