Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 27:1-14

MALU ADI MU MUKANDA EU

  • Yehowa ntshisokomenu tshia muoyo wanyi

    • Kuanyisha ntempelo wa Nzambi (4)

    • Yehowa udi utabalelangana nansha baledi bobu kabayi benza nanku (10)

    • “Tekemena kudi Yehowa” (14)

Wa Davidi. 27  Yehowa udi butoke buanyi+ ne lupandu luanyi. Ungatshina nnganyi?+ Yehowa ntshisokomenu tshia muoyo wanyi.+ Ungumvua buôwa nnganyi?   Pavua benji ba malu mabi bambunde bua kudia mubidi wanyi,+Baluishi banyi ne bena lukuna banyi ke bavua batetuke ne badishinde.   Nansha tshiluilu mua kuasa tshitudilu bua kunduisha,Muoyo wanyi kawakutshina to.+ Nansha mvita mua kunjukila,Nansha dîba adi, nenshale anu ne muoyo mukole.   Bualu bumuepele mbundi mulombe Yehowa,Buobu ke bungakeba,Mbua mmone mua kusomba mu nzubu wa Yehowa matuku onso a muoyo wanyi,+Bua kubandila bulengele bua YehowaNe bua kutangila ne kuanyisha* ntempelo* wende.+   Bualu neansokoke mu muaba wende wa kupengama mu dituku dia dikenga;+Neansokoke mu muaba musokome wa mu ntenta wende;+Neanteke kuulu pa mutu pa dibue dinene.+   Mpindieu mutu wanyi udi kuulu pa mutu pa bena lukuna banyi badi bannyunguluke;Nemfile milambu ku ntenta wende ne mbila ya disanka;Nengimbe misambu ya kutumbisha nayi* Yehowa.   Yehowa wanyi, unteleje pandi ngela dîyi;+Undeje luse, ungandamune.+   Pavua muoyo wanyi muakule bua bualu buebe, wakamba ne: “Keba mpala wanyi.” Yehowa wanyi, nenkebe mpala webe.+   Kunsokoki mpala webe.+ Kualuji muena mudimu webe mu tshiji tshiebe. Wewe udi muambuluishi wanyi;+Kundekeledi anyi kundekedi, Nzambi wanyi wa lupandu. 10  Nansha biandekelabu kudi tatuanyi ne mamuanyi,+Yehowa yeye neangakidile kuende.+ 11  Yehowa wanyi, ndongesha njila webe;+Ndombola mu njila wa bululame bua bualu bua baluishi banyi. 12  Kumfidi mu bianza bia baluishi banyi,*+Bualu bantemu ba dishima mbanjukile,+Badi bamfunyina ne tshikisu. 13  Nkuepi kumvua mua kuikala bu meme tshiyi ne ditabujaDia ne: mvua mua kumona buimpe bua Yehowa mu buloba bua badi ne muoyo?*+ 14  Tekemena kudi Yehowa;+Ikala ne dikima ne muoyo mukole.+ Eyowa, tekemena kudi Yehowa.

Note

Anyi “kutangila ne kuelangana meji a.”
Anyi “muaba wa tshijila.”
Anyi “mijiki bua.”
Anyi “bia anyima wa bena lukuna banyi.”
Anyi pamuapa: “Meme ndi ne ditabuja ne: nemmone buimpe bua Yehowa mu ditunga dia badi ne muoyo.”