Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 26:1-12

MALU ADI MU MUKANDA EU

  • Kuenda ne muoyo mutoke

    • “Nkonkonona, Yehowa wanyi” (2)

    • Kuepuka malunda mabi (4, 5)

    • ‘Nennyunguluke ku tshioshelu tshia Nzambi’ (6)

Wa Davidi. 26  Ndumbuluisha, Yehowa wanyi, bualu ndi muende mu muoyo wanyi mutoke;+Ndi mueyemene Yehowa tshiyi ntenkakana.+   Nkonkonona, Yehowa wanyi, untete;Lengeja meji a munda muanyi menemene* ne muoyo wanyi.+   Bualu dinanga diebe dia lulamatu didi kumpala kuanyi misangu yonso,Ndi ngendela mu bulelela buebe.+   Tshiena ndamatangana* ne bena mashimi,+Ndi ngepuka badi basokoka tshidibu.*   Ndi nkina dingumba dia benji ba malu mabi,+Ne ndi mbenga kulamatangana* ne bantu babi.+   Nengowe bianza bianyi tshiyi ne bualu,Nennyunguluke ku tshioshelu tshiebe, Yehowa wanyi,   Bua kuenza bua dîyi dia disakidila diumvuike+ Ne bua kumanyisha midimu yebe yonso ya dikema.   Yehowa, ndi munange nzubu uudi musombele,+Muaba udi butumbi buebe busombele.+   Kunkombi* pamue ne benji ba mpekatu+Ne kumbushi muoyo wanyi pamue ne bena tshikisu,* 10  Badi bianza biabu biditua mu tshikadilu tshia bundu,Badi tshianza tshiabu tshia balume tshiuwule tente ne mbuejilu. 11  Kadi meme, nengende mu muoyo wanyi mutoke. Unsungile,* undeje luse. 12  Dikasa dianyi ndimane pa muaba mulandakane;+Mu tshisumbu tshinene tshia bantu,* meme nentumbishe Yehowa.+

Note

Anyi “bindi ngumvua munda muanyi menemene.” Ku mua.: “tuonyi tuanyi.”
Ku mua.: “nsomba.”
Anyi “Tshiena mbuelakana ne bena mpala ibidi.”
Ku mua.: “kusomba.”
Anyi “Kukombi anyima wanyi.”
Anyi “pamue ne bedi ba mashi panshi.”
Ku mua.: “Unkuule.”
Ku mua.: “Mu masangisha manene.”