Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 25:1-22

MALU ADI MU MUKANDA EU

  • Disambila bua buludiki ne dilomba luse

    • “Ndongesha tujila tuebe” (4)

    • “Bulunda bukole ne Yehowa” (14)

    • “Umfuile luse bua mpekatu yanyi yonso” (18)

Wa Davidi. א [Alefe] 25  Yehowa wanyi, kuudi wewe nkundi ntangila.* ב [Bete]   Nzambi wanyi, ndi mukueyemene wewe;+Kundekedi mfuishibua bundu.+ Kulekedi bena lukuna banyi basanka bua dikenga dianyi.+ ג [Gimele]   Bushuwa, kakuena muntu udi utekemena kuudi wafuishibua bundu,+Kadi bundu mbuindile bantu badi batungilangana kakuyi bualu.+ ד [Dalete]   Mmanyisha njila yebe, Yehowa wanyi;+Ndongesha tujila tuebe.+ ה [He]   Ngendesha mu bulelela buebe ne ndongesha,+Bualu wewe udi Nzambi wanyi wa lupandu. ו [Waw] Kuudi wewe nkundi ntekemena dituku dijima. ז [Zayine]   Yehowa wanyi, vuluka luse luebe ne dinanga diebe dia lulamatu+ Biutu ulejangana misangu yonso.*+ ח [Hete]   Kuvuluki mpekatu ya ku buana buanyi ne matomboka anyi. Umvuluke bilondeshile dinanga diebe dia lulamatu,+Bua bualu bua buimpe buebe, Yehowa wanyi.+ ט [Tete]   Yehowa udi muimpe ne mululame.+ Ke bualu kayi yeye udi ulongesha benji ba mpekatu njila wa kulonda.+ י [Yode]   Nealombole bena bupuekele mu malu adi makane,*+Nealongeshe bena bupuekele njila wende.+ כ [Kafe] 10  Njila yonso ya Yehowa idi dinanga dia lulamatu pamue ne lulamatuBua bantu badi batumikila tshipungidi tshiende+ ne mavuluija ende.+ ל [Lamede] 11  Bua bualu bua dîna diebe, Yehowa wanyi,+Umbuikidile tshilema tshianyi, nansha muditshi tshinene. מ [Meme] 12  Muntu udi utshina Yehowa nnganyi?+ Yeye neamulongeshe njila udiye ne bua kusungula.+ נ [Nune] 13  Yeye* neapete malu adi mimpe,+Ne tunkanunuina* tuende netupiane buloba.+ ס [Sameke] 14  Bulunda bukole ne Yehowa mbua badi bamutshina,+Udi ubamanyisha tshipungidi tshiende.+ ע [Ayine] 15  Mêsu anyi mmatangija kudi Yehowa misangu yonso,+Bualu neasulule makasa anyi mu bukondo.+ פ [Pe] 16  Tangija mpala webe kundi, undeje luse,Bualu ndi nkayanyi ne tshiena mua kudisungila. צ [Tesade] 17  Makenga a muoyo wanyi mmavulangane;+Ngumbusha mu kanyinganyinga kanyi. ר [Leshe] 18  Tangila dikenga dianyi ne lutatu luanyi,+Umfuile luse bua mpekatu yanyi yonso.+ 19  Tangila mudi bena lukuna banyi bungi tshiananaNe mudi lukinu luabu kundi luikale lua tshikisu tshikole. ש [Shine] 20  Lama muoyo wanyi* ne umpandishe.+ Kundekedi mfuishibua bundu, bualu ndi munyemene kuudi. ת [Taw] 21  Muoyo mutoke ne bululame binkube,+Bualu ditekemena dianyi didi kuudi wewe.+ 22  Nzambi wanyi, sungila* Isalele ku makenga ende onso.

Note

Anyi “mbandisha anyima wanyi.”
Anyi “Bia katshia ku kale.”
Ku mua.: “mu dilumbuluisha.”
Anyi “Anyima wende.”
Ku mua.: “dimiinu.”
Anyi “anyima wanyi.”
Ku mua.: “kuula.”