Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 23:1-6

MALU ADI MU MUKANDA EU

  • “Yehowa udi Mulami wanyi”

    • “Tshiakupangila tshintu nansha” (1)

    • “Udi umpeshilula makanda” (3)

    • “Dikopo dianyi ndiuwuja bimpe” (5)

Mujiki wa Davidi. 23  Yehowa udi Mulami wanyi.+ Tshiakupangila tshintu nansha.+   Udi undadika mu miaba ya kudishila nyama idi ne bisonsa bia bungi;Udi undombola mu miaba ya kuikishila idi ne mâyi a bungi.*+   Udi umpeshilula* makanda.+ Udi undombola mu njila ya* buakane bua bualu bua dîna diende.+   Nansha mundi ngendela mu tshibandabanda tshia mîdima mikole,+Tshiena ntshina bualu bubi,+Bualu wewe udi nanyi;+Tshibonge tshiebe ne mulangala webe bidi binkolesha ku muoyo.*   Udi undongoluela mêsa kumpala kua bena lukuna banyi.+ Udi utalaja* mutu wanyi ne manyi;+Dikopo dianyi ndiuwuja bimpe.+   Kakuyi mpata, buimpe ne dinanga dia lulamatu nebindonde matuku onso a muoyo wanyi,+Ne nensombele mu nzubu wa Yehowa matuku anyi onso.+

Note

Anyi pamuapa: “ku mâyi adi talalaa.”
Anyi “upeshilula anyima wanyi.”
Ku mua.: “bifundu bia makasa bia.”
Anyi “binsamba.”
Anyi “ulaba.”