Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 21:1-13

MALU ADI MU MUKANDA EU

  • Masanka kudi mukalenge udi mueyemene Yehowa

    • Muoyo wa matuku a bungi mupesha mukalenge (4)

    • Baluishi ba Nzambi nebatshimunyibue (8-12)

Kudi muludiki. Mujiki wa Davidi. 21  Yehowa, mukalenge udi usankila mu bukole buebe;+Ke mudiye usankila bikole mu bienzedi biebe bia lupandu nunku!+   Wewe udi mumukumbajile dijinga dia muoyo wende,+Kuena mumupale dilomba dia ku mishiku yende to. (Sela)   Bualu udi umuakidila ne mabenesha manene;Udi wasa tshifulu tshia butumbi tshia or mutambe buimpe* ku mutu wende.+   Yeye uvua mukulombe muoyo, wewe wakamupeshawu,+Muoyo wa matuku a bungi,* kashidi ne tshiendelele.   Bienzedi biebe bia lupandu bidi bimupetesha butumbi bunene.+ Udi umuambika bunême ne bulengele.   Wewe udi umuvuija mubeneshibue bua kashidi;+Udi umusankisha ne disanka dia dikalaku diebe.*+   Bualu mukalenge udi weyemena Yehowa;+Bua dinanga dia lulamatu dia Mutambe Bunene, kakunyukudibua nansha.*+   Tshianza tshiebe netshipete bena lukuna bebe bonso;Tshianza tshiebe tshia balume netshipete badi bakukina.   Wewe neubavuije bu tshikutu tshia kapia mu tshikondo tshisungula tshiudi utuma ntema yebe kudibu. Yehowa neabamine mu tshiji tshiende, ne kapia nekabashidishe.+ 10  Neubutule tunkanunuina tuabu* pa buloba,Ne bana babu mu bana ba bantu. 11  Bualu bobu bavua bele meji a kukuenzela bibi;+Mbaluke mayele ikala kaayi mua kukumbana.+ 12  Bualu wewe neubapingajije tshianyima+Paudi uludika buta* buebe bua mikete kudibu.* 13  Yehowa wanyi, juka mu makanda ebe. Netuimbe misambu ya kutumbisha nayi bukole buebe.*

Note

Anyi “mukezula.”
Ku mua.: “Bule bua matuku.”
Ku mua.: “mpala webe.”
Anyi “kakutetuka (kakulenduka) nansha.”
Ku mua.: “dimuma diabu.”
Ku mua.: “milemu ya buta.”
Ku mua.: “mu mpala yabu.”
Ku mua.: “Netuimbile bukole buebe misambu ne mijiki.”