Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 20:1-9

MALU ADI MU MUKANDA EU

  • Lupandu bua mukalenge muela manyi wa Nzambi

    • Bamue badi beyemena matempu ne tubalu, “kadi tuetu tudi tubila dîna dia Yehowa” (7)

Kudi muludiki. Mujiki wa Davidi. 20  Yehowa akuandamune mu dituku dia dikenga diebe. Dîna dia Nzambi wa Yakoba dikukube.+   Akutumine diambuluisha difumina muaba wa tshijila+Ne akukuatshishe ne dikuatshisha difumina ku Siona.+   Avuluke milambu yebe yonso ya kupa;Yeye itabe mulambu webe wa kuosha ne disanka.* (Sela)   Yeye akukumbajile majinga a muoyo webe,+Alubuluje malu ebe onso audi mulongolole.*   Netuele mbila ne disanka bua bienzedi biebe bia lupandu;+Netubandishe mabendele etu mu dîna dia Nzambi wetu.+ Yehowa akukumbajile milombu yebe yonso.   Mpindieu ndi mumanye bimpe ne: Yehowa udi upandisha muela manyi wende.+ Udi umuandamuina mu diulu diende dia tshijilaNe lupandu lunene* ku tshianza tshiende tshia balume.+   Bamue badi beyemena matempu ne bakuabu beyemena tubalu,+Kadi tuetu tudi tubila dîna dia Yehowa Nzambi wetu.+   Mbapueke ne badishinde,Kadi tuetu tudi bajuke kuulu ne bajalamijibue kabidi.+   Yehowa wanyi, pandisha mukalenge!+ Yeye neatuandamune dituku ditudi tulomba diambuluisha.+

Note

Ku mua.: “angate mulambu webe wa kuosha bu wa manyi.”
Anyi “ngenyi yebe yonso.”
Anyi “ditshimuna dinene.”