Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 19:1-14

MALU ADI MU MUKANDA EU

  • Bufuki bua Nzambi ne mikenji yende bidi bifila bumanyishi

    • “Diulu didi diamba butumbi bua Nzambi” (1)

    • Mukenji mupuangane wa Nzambi udi ufilulula bukole (7)

    • “Mpekatu indi tshiyi mujingulule” (12)

Kudi muludiki. Mujiki wa Davidi. 19  Diulu didi diamba butumbi bua Nzambi;+Bia mu diulu* bidi bimanyisha mudimu wa bianza biende.+   Ku dituku ne ku dituku, muakulu wabi udi upongoloka,Ne butuku buonso, bidi bisokolola dimanya.   Kakuena muakulu, kakuena mêyi;Dîyi diabi kadiena diumvuika.   Kadi tshiona* tshiabi ntshipatuke tshiye pa buloba bujima,Ne mukenji wabi mmuye too ne ku ntengu ya buloba budi bantu basombele.*+ Yeye mmuashile dîba ntenta mu diulu;   Didi bu musedianganyi udi upatuka mu nzubu wende wa munda;Didi disanka bu tshilobo tshidi tshinyemena mu njila watshi.   Didi dipatukila ku ditengu dimue dia diulu,Ne didi dinyunguluka too ne ku ditengu diadi dikuabu;+Ne kakuena tshintu nansha tshimue tshidi tshisokome ku munya wadi.   Mukenji wa Yehowa mmupuangane,+ udi ufilulula bukole.*+ Divuluija dia Yehowa ndia kueyemena,+ didi divuija muntu udi kayi ne dimanya muena meji.+   Mêyi matuma a kudi Yehowa mmakane, adi asankisha muoyo;+Mukenji wa Yehowa mmukezuke, udi ukenkesha mêsu.+   Ditshina dia Yehowa+ ndikezuke, didi dishalaku kashidi. Mêyi a dilumbuluisha a Yehowa mmalelela, buonso buawu mmakane.+ 10  Mbia kunanga kupita or,Kupita or wa bungi mutambe buimpe,*+Ne mbishême bikole kupita buitshi,+ buitshi budi bumata ku dipula.* 11  Muena mudimu webe mmudimujibue kudibi;+Kubilama kudi ne difutu dinene.+ 12  Nnganyi udi mua kujingulula mapanga ende?+ Umbingishe ku mpekatu indi tshiyi mujingulule. 13  Kanda muena mudimu webe ku bienzedi bia dikamakama;+Kubilekedi bimpita bukole.+ Nunku nengikale mukumbanangane,+Tshiyi ne bualu mu mpekatu mienza ne tshikama.* 14  Mêyi a mukana muanyi ne meji andi ngelangana mu muoyo wanyiAkusankishe,+ Yehowa wanyi, Dibue dianyi+ ne Mupikudi wanyi.+

Note

Anyi “Tshibuashibuashi.”
Anyi pamuapa: “nshinga wa kupima nende bule.”
Anyi “buloba budi bumenesha bintu.”
Anyi “udi ufululula (upingaja) anyima.”
Anyi “mukezula.”
Anyi “dikatshi.”
Anyi “dishipa dia mikenji dia bungi.”