Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 16:1-11

MALU ADI MU MUKANDA EU

  • Yehowa udi mpokolo wa buimpe

    • “Yehowa ke tshianyi tshitupa” (5)

    • ‘Meji anyi adi ambela butuku’ (7)

    • ‘Yehowa udi ku tshianza tshianyi tshia balume’ (8)

    • “Wewe kuakundekela mu Lukita to” (10)

Miketame* wa Davidi. 16  Nzambi wanyi, undame, bualu ndi munyemene kuudi.+   Ndi muambile Yehowa ne: “Wewe udi Yehowa, Mpokolo wanyi wa buimpe.   Ne bansantu badi pa buloba,Bantu banene, badi bangenza disanka dia bungi.”+   Bantu badi balonda nzambi mikuabu badi bavudija tunyinganyinga tuabu.+ Tshiakupongolola milambu yayi ya bia kunua ya mashi nansha,Anyi mishiku yanyi kayakutela mêna ayi nansha.+   Yehowa ke tshianyi tshitupa, tshianyi tshidibu bampeshe,+ ne dikopo dianyi.+ Wewe udi ulama bumpianyi buanyi.   Mbampimine meme miaba milengele. Bushuwa, ndi nsanka ne bumpianyi buanyi.+   Nentumbishe Yehowa udi mumpeshe mibelu.+ Nansha mêba a butuku, meji a munda muanyi menemene* adi ambela.+   Ndi muteke Yehowa kumpala kuanyi misangu yonso.+ Bu mudiye ku tshianza tshianyi tshia balume, tshiakunyungishibua* nansha kakese.+   Nunku, muoyo wanyi udi usanka, meme mujima ndi* ne disanka. Ndi musombe* talalaa. 10  Bualu wewe kuakundekela* mu Lukita* to.+ Wewe kuakuitaba bua muena lulamatu webe amone dijimba* to.+ 11  Wewe udi ummanyisha njila wa muoyo.+ Kumpala kuebe* kudi disanka dipite bungi;+Ku tshianza tshiebe tshia balume kudi diakalenga* bua kashidi.

Note

Tang. Diumv.
Anyi “bindi ngumvua munda muanyi menemene.” Ku mua.: “tuonyi tuanyi.”
Anyi “tshiakutetuka (tshiakulenduka).”
Ku mua.: “butumbi buanyi budi.”
Anyi “musunyi wanyi mmusombe.”
Anyi “kuakulekela anyima wanyi.”
Anyi “Sheole,” mmumue ne: lukita lua bukua bantu buonso. Tang. Diumv.
Anyi pamuapa: “amone dibola.”
Ku mua.: “Ku mpala webe.”
Anyi “bulengele.”