Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 15:1-5

MALU ADI MU MUKANDA EU

  • Nnganyi udi mua kutudila mu ntenta wa Yehowa?

    • Udi wamba bulelela mu muoyo wende (2)

    • Kena ushiminyinangana malu (3)

    • Udi ukumbaja malu adiye ulaya nansha padibi bitatshisha (4)

Mujiki wa Davidi. 15  Yehowa, nnganyi udi mua kutudila mu ntenta webe? Nnganyi udi mua kusombela mu mukuna webe wa tshijila?+   Mmuntu udi wenda kayi kalema,*+Wenza malu adi makane,+Ne wamba bulelela mu muoyo wende.+   Yeye kena ushiminyinangana malu ne ludimi luende,+Kena wenzela mukuende bualu bubi,+Ne kena unyangila balunda bende lumu.*+   Udi ubenga muntu yonso udi muakanyine kupetudibua,+Kadi udi unemeka badi batshina Yehowa. Kena upingana tshianyima bua malu adiye mulaye,* nansha padiwu amubipila.+   Kena usombeshangana makuta ende bua kupeta tshia kasombela,+Ne kena witaba mbuejilu bua kupisha muntu udi kayi ne bualu.+ Muntu yonso udi wenza malu aa kabakumunyukula* nansha kakese.+

Note

Anyi “ne muoyo mutoke.”
Anyi “ufuisha balunda bende bundu.”
Ku mua.: “mutshipu.”
Anyi “kakutetuka (kakulenduka).”