Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 146:1-10

MALU ADI MU MUKANDA EU

  • Eyemena Nzambi, kueyemenyi bantu to

    • Meji a muntu adi ajimina padiye ufua (4)

    • Nzambi udi ujalamija bavua biname (8)

146  Tumbishayi Yah!*+ Meme yonso mujima* ntumbishe Yehowa.+   Nentumbishe Yehowa matuku anyi onso a muoyo. Nengimbe misambu ya kutumbisha nayi* Nzambi wanyi pantshidi ne muoyo.   Kueyemenyi bakokeshi*Anyi muana wa muntu udi kayi mua kufila lupandu.+   Mupuya* wende udi upatuka, yeye udi upingana ku buloba;+Mu dituku dine adi, meji adiye wela adi ajimina.+   Wa diakalenga mmuntu udi Nzambi wa Yakoba muikale muambuluishi wende,+Udi ne ditekemena diende mu Yehowa Nzambi wende,+   Muenji wa diulu ne buloba,Wa mbuu, ne wa bintu bionso bidimu,+Yeye utu ushala anu ne lulamatu,+   Yeye udi wenza bua benzele bantu badibu badie bintu malu ne buakane,Yeye udi upesha badi ne nzala diampa.+ Yehowa udi ulekesha badi mu buloko.*+   Yehowa udi utabeja mêsu a bampofu;+Yehowa udi ujalamija badi biname;+Yehowa mmunange bantu bakane.   Yehowa udi ukuba bantu badi basombe buenyi;Yeye udi ukuatshisha muana udi mufuishe tatuende ne mukaji mukamba,+Kadi udi utatakaja malu adi bantu babi balongolole bua kuenza.*+ 10  Yehowa neikale Mukalenge kashidi,+Neikale Nzambi webe, wewe Siona, ku tshipungu ne tshipungu tshia bantu. Tumbishayi Yah!*

Note

Anyi “Aleluya!” “Yah” ntshikepeshilu tshia dîna dia Yehowa.
Anyi “Anyima wanyi.”
Anyi “mijiki bua.”
Anyi “banene.”
Ku mua.: “Nyuma.”
Ku mua.: “badibu basuike.”
Anyi “ukonyangaja njila ya bantu babi.”
Anyi “Aleluya!” “Yah” ntshikepeshilu tshia dîna dia Yehowa.