Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 145:1-21

MALU ADI MU MUKANDA EU

  • Kutumbisha Nzambi, Mukalenge munene

    • ‘Nemmanyishe bunene bua Nzambi’ (6)

    • “Yehowa udi muimpe kudi bantu bonso” (9)

    • “Bena lulamatu bebe nebakutumbishe” (10)

    • Bumfumu bua Nzambi bua tshiendelele (13)

    • Tshianza tshia Nzambi tshidi tshiukutshisha bonso (16)

Kutumbisha kua Davidi. א [Alefe] 145  Nenkutumbishe, wewe Nzambi Mukalenge wanyi,+Nentumbishe dîna diebe kashidi ne tshiendelele.+ ב [Bete]   Nenkutumbishe dituku dijima;+Nentumbishe dîna diebe kashidi ne tshiendelele.+ ג [Gimele]   Yehowa mmunene ne mutambe kuakanyina butumbi;+Bunene buende kabuena kujingulula.*+ ד [Dalete]   Bantu ba mu tshipungu ne mu tshipungu nebatumbishe midimu yebe;Nebamanyishe bienzedi biebe bia bukole.+ ה [He]   Nebakule bua butumbi bua bulengele bua bunême buebe+Ne meme nengelangane meji bua midimu yebe ya dikema. ו [Waw]   Nebakule bua bienzedi* biebe bidi bikuatshisha buôwa,Ne meme nemmanyishe bunene buebe. ז [Zayine]   Miaku neyifuilakane mukana muabu padibu bavuluka buimpe buebe buvule,+Ne nebele mbila ne disanka bua buakane buebe.+ ח [Hete]   Yehowa udi uditeka pa muaba wa bakuabu* ne udi ne luse,+Kena ukuata tshiji lukasa ne mmunene mu dinanga dia lulamatu.+ ט [Tete]   Yehowa udi muimpe kudi bantu bonso,+Ne luse luende ludi lumuenekela mu midimu yende yonso. י [Yode] 10  Midimu yebe yonso neyikutumbishe, wewe Yehowa,+Ne bena lulamatu bebe nebakutumbishe.+ כ [Kafe] 11  Nebamanyishe butumbi bua bumfumu buebe+Ne nebakule bua bukole buebe,+ ל [Lamede] 12  Bua kumanyisha bantu bienzedi biebe bia bukole+Ne butumbi bua bulengele bua bumfumu buebe.+ מ [Meme] 13  Bumfumu buebe mbumfumu bua tshiendelele,Ne bukokeshi buebe budi bushalaku mu bipungu bionso bia bantu.+ ס [Sameke] 14  Yehowa udi ukuatshisha bonso badi badishinda+Ne udi ujalamija bonso badi biname.+ ע [Ayine] 15  Mêsu onso adi atangila kuudi ne ditekemena;Wewe udi ubapesha biakudia biabu mu tshikondo tshiabi.+ פ [Pe] 16  Wewe udi ubulula tshianza tshiebeNe udi ukumbaja dijinga dia tshintu tshionso tshidi ne muoyo.+ צ [Tesade] 17  Yehowa mmuakane mu njila yende yonso+Ne udi ne lulamatu mu bionso bidiye wenza.+ ק [Kofe] 18  Yehowa udi pabuipi ne bonso badi bamubila,+Ne bonso badi bamubila mu bulelela.*+ ר [Leshe] 19  Udi ukumbaja dijinga dia bonso badi bamutshina;+Udi umvua muadi wabu wa dilomba diambuluisha, ne udi ubasungila.+ ש [Shine] 20  Yehowa udi ulama bonso badi bamunange,+Kadi bantu babi bonso neababutule.+ ת [Taw] 21  Mukana muanyi nemumanyishe butumbi bua Yehowa;+Tshintu tshionso tshidi ne muoyo* tshitumbishe dîna diende dia tshijila kashidi ne tshiendelele.+

Note

Anyi “mbupite lumvu luetu.”
Anyi “bukole.”
Anyi “udi ne muoyo muimpe.”
Anyi “ne muoyo mujima.”
Ku mua.: “musunyi wonso.”