Ndaku munda

Ndaku ku menu makese

Ndaku ku tshikebelu

Bantemu ba Yehowa

Tshiluba

Bible ku Enternete | BIBLE—NKUDIMUINU WA BULONGOLODI BUPIABUPIA

Misambu 144:1-15

MALU ADI MU MUKANDA EU

  • Disambila bua kutshimuna

    • “Muntu ufuafua nnganyi?” (3)

    • ‘Bena lukuna batangalajibue’ (6)

    • Bantu ba Yehowa mba diakalenga (15)

Wa Davidi. 144  Yehowa, Dibue dianyi,+ atumbishibue,Yeye udi ulongesha bianza bianyi bua kuluangana,Ulongesha minu yanyi mvita.+   Yeye udi dinanga dianyi dia lulamatu ne muaba wanyi wa kusokomena,Tshinyemenu tshianyi tshia bukubi* ne musungidi wanyi,Ngabu wanyi, ne Yeye mmuaba undi nsokomena,+Yeye udi uteka bukua bantu ku bukokeshi buanyi.+   Yehowa wanyi, muntu nnganyi bua wewe kumutangila,Muana wa muntu ufuafua nnganyi bua wewe kutuma ntema yebe kudiye?+   Muntu udi anu bu mupuya wa patupu;+Matuku ende adi anu bu mundidimbi udi upita.+   Yehowa wanyi, puekesha* diulu diebe, utuluke;+Lenga mikuna, uyifuimishe muishi.+   Elesha mipenyi ne tangalaja bena lukuna;+Ela mikete yebe, ubabueje mu kayumbayumba.+   Olola bianza biebe muulu muudi;Nsungila ne mpandisha ku mâyi a mavuala makole,Ku tshianza tshia* bantu ba ku babende,+   Badi mukana muabu muakula malu a dishimaNe badi bajula tshianza tshiabu tshia balume bua kuditshipa ku bualu bua dishima.*   Nzambi wanyi, nenkuimbile musambu mupiamupia.+ Nenkuimbile misambu ya butumbi,* tshiapamue ne tshiombelu tshia nshinga dikumi, 10  Kudi yeye udi upesha bakalenge ditshimuna,*+Udi usungila muena mudimu wende Davidi ku muele wa mvita udi ushipa.+ 11  Nsungila ne mpandisha ku tshianza tshia bantu ba ku babende,Badi mukana muabu muakula malu a dishimaNe badi bajula tshianza tshiabu tshia balume bua kuditshipa ku bualu bua dishima. 12  Nunku bana betu ba balume nebikale anu bu bikunyibua bitshidi bitekete bidi bikola lukasa,Bana betu ba bakaji anu bu makunji a mu ditumba masonga bua dibalasa. 13  Mayeba etu neuwule tente ne bintu bia mishindu yonso;Bisumbu bia nyama yetu bidi mu mpata yetu nebivulangane misangu binunu, misangu makumi a binunu. 14  Ngombe yetu, idi ne mafu, kayakupeta njiwu* anyi kutula mafu to;Kakuakuikala lubila lua dikenga miaba yetu ya tshinsangasanga. 15  Ba diakalenga mbantu badibi bienzekela nunku! Ba diakalenga mbantu badi Yehowa muikale Nzambi wabu!+

Note

Anyi “Muaba wanyi mutumbuke wa bukubi.”
Anyi “inamija.”
Anyi “dikuatshibua kudi.”
Ku mua.: “Ne tshianza tshiabu tshia balume ntshianza tshia balume tshidi ne dishima.”
Anyi “mijiki.”
Anyi “lupandu.”
Anyi “kayakupandika.”